عندنا دكتور الله يجززاااه خيرر..

كان يكلمنا يقول لما تتوظفون..
خلو طبعكم رسمي مع زملاء العمل
لان فيه تنافس كل واحد يبي يصير الرئيس..

واذا صادفتو احد مثلا كنتي عند المدير وفيه وحده ثانيه حاولت انها تبين للمدير ان شغلج ناقص
يقول شي طبيعي راح تنقهرين من داااخل بس سكتي عنها اول مره..واذا كررت الحركه كلميها بينج وبينها قولي اللي سويتيه مايصير
بس ماحبيت ارد عليج بنفس اسلوبج عند الناس مابغيت احرجج..
واذا زودتها عاااد لج الحق انج تتصرفين معاهاا بأي طريقه لانها تجاوزت حدودها

ونصيحه ذهبيه قالها..لاتخلين لج عداوااات بالدواااام ((تربطج فيهم مصلحه))
باختصاار لاتخربين على عمرررج..

ومن عندي اقولها لج...اول ماتشوفينهم رددي اللهم اكفنيهم بماشئت

نصايحه قليله بس مفيددده..
جربي وشوفي شيصير معاج ..

تبين ترتاحين

لاتردين عليهم وعامليهم بكل برود

واي شي يغثونج فيه سمعيه من اذن وطلعيه من الاذن الثاانيه

صدقيني بيموتون قهرررر والله

اهم شئ خليييج بارده

موفقه

خلي العلاقة بينك وبينهم سلام وسلام عليكم
في مصلحة العمل
لأن فعلا بعض الناس ماتطاق سواليفهم أو ردودهم :(

حبيبة ابوها ـ اشكرج الشكر الجزيل وجزاج الله كل خير
وبحكم خبرتك في عالم الموظفات ، خليني اقول لج مشكلة صديقتي تقريبا نفس مشكلتي ، اللي معاها يستخدمون الصوت العالي في التعامل مع الكل ، لكنهم بالاضافة الى ذلك يشتغلون شغل مب شغلهم ويتعدون على شغل غيرهم ويتدخلون فيه او يردون على الاستفسارات لمجرد انهم يحسسون الغير ان عندهم الحل والربط ، وباقي الموظفات ساكت والسبب واضح اولاً : لان الوقت اللي يختارون فيه التعدي على اشغالهم يكون امام اشخاص او مراجعين ومب حلوة التناقش امامهم بها الموضوع ، واذا كلموهم الموظفات بعد ذلك يختلقون اعذااار واهية ( عبط ) وبعد هالمرة يكررونها ... وخاصة اذا كان هالعمل مؤقت ومخصص له يوم واحد فقط وما في وقت لاخطار المدير بذلك .. وحتى لو كلمهم بعد بيعطونه نفس هالاعذار الواهية ، ثانياً : لعدم تكوين عداوات وثالثا : بعدا عن المشاكل والتوتر في جو العمل ...
حرااام صديقتي وايد منقهرة ، واكيد بحكم خبرتك شفتي هالاشكال ،، اتمنى منك النصيحة ،

خواتي :
nouvele ــ مشكورة اختي ونصايحج مب قليلة ، بالعكس يمكن قلتي في نصيحتج اللي ماقدرت اعبر عنه .. والدعاء باقوله على طول والله يجزيج خير..

آلاء ــ جزاك الله كل خير والله اني اتبع هالاسلوب .. بس تعابير وجهي تفضح انزعاجي لان طبيعتي اني مبتسمة وكووول ، فيتغير وجهي ..

أم ريما ونورا ــ جزاكي الله كل خير ... وان شاء الله باحاول بس مثل ما قلت ان تعابير وجهي هي اللي تفضح بسبب تغيره فجأه عن حاله ..

حبيبتى التعامل معاهم
يكون باختصار الكلام فى حدود الحاجة
ربنا يبعد شرهم عنا وعن كل المسلمين