مشكلة ابي لها حل تكفون شوروا علي محتارة الله يفرج همكم

أخواتي الغاليات

انا ساكنة جدة وحامل في نهاية الشهر السابع
وجاء نقل لزوجي انه ينقل للرياض
وايجارنا بينتهي نهاية رمضان بكون دخلت التاسع
المشكلة ان زوجي قال بيستاجر لي شقة في الرياض
واروح مع ولدي وبنتي واقضي شهر رمضان كله بدونه
لانه بيقعد في جدة الى نهاية رمضان عشان يتمم شغله ويسلمه
وقلت له مقدر اقعد بدونكوانا حامل
قال اهلك في الرياض وبيطلوا عليك من وقت للثاني
أفضل من انك تقعدين معي وننقل وانتي في الشهر التاسع
بتكوني تعبانة ويمكن تولدين في اي لحظة
وانا نفسيتي تتعب بدون زوجي بقعد اشيل هم المقاضي وروحة السوق
والتجهيز للبيبي واهلي مشغولين مو فاضيين لي
والحين محتارة اروح الرياض الحين وابعد عن زوجي رمضان كله
او اقعد وانقل بعد رمضان وانا في التاسع
شوروا علي الله يجزاكم الفردوس الأعلى من الجنة
انتظركم لا تطنشوني الله يخليكم