مشكلة اختي وحماواتها .... شوروا علينا الله يجزاكم خير
مرحبا بنات .... ان شاء الله تكونو طيبين .. انا اليوم بكتب لكم موضوع يخص اختي الصغيره ... وانا عجزت ان اساعدها .. هي عمرها 20 سنه ومتزوجه من سنه تقريبا.. وعندها بنت واهل زوجها ناس طيبين لابعد الحدود وكريمين .. بس مشكلتهم الوحيده هي انهم يحبون يعطونها نصايح بشكل غير طبيعي ... يعني مثلا .. اذا اختي راحت لهم الا ويطلعون لها شي فيها او في بنتها بس عشان ينصحونها يعني اذا نست تحط لوشن في رجلين بنتها او نست الممسحه او اللهايه مالتها على طووول يقولون لها ليش وشلون تطلعين من البيت وانتي مانتي حاطت لها لوشن ولا ليش ما تشترين لها خمسن لهايه لان هالوحده يمكن انها تضيع ... واختي تسكت وتقول لهم ان شاء الله :09:وعاد البارحه كانت عندهم مناسبه ميلاد واختي حلفتني اني اروح معاها عشان ترد اذا حد ضايقها بالكلام او تدخل في لبسها وانا لاني اكبر منها قلت لها اذا تكلمو عليكي انا راح ارد عشان ماتنحرجين معاهم انتي...... وهي لانها تبي تحافظ على علاقتها معاهم.... لانهم فعلا طيبين غير هالصفه ... المهم رحت معاها واشوف اخت زوحها الكبيره تقول حق اختي ليش تنورتك طويله كثير قصريها عشان ما تتاذين من طولها عاد انا قلت لها صح انتي عندك ذوق معين في اللبس وتحبين شي اكثر من غيره فجاوبتني بنعم قلت لها طيب اختي زيك هذا ذوقها هي تحب الطويل اللي يزحف وراها وتمت ساعه تتكلم لنا عن ذوقها واللي تحبه وقي كذا موقف من هالنوع بس انا مابي اطول عليكم وانا تفاجات انهم كثير يدخلون فيها ومش بس فيها هم نفسهم الخوات والام ينصحون بعض ويدققون في كل صغيره وكبيره !!!! وهذا طبعهم بس اختي مش قادره تتاقلم مع هالوضع وصارت ما تروح لهم كثير عشان ما يتدخلون فيها وفي بنتها وللامانه هم ما يتدخلون في الامور الخاصه بس اللبس وينتها ولبسها والامور التافه اللي من هالنوع مثل اذا حطت اكل في الميكرويف لمده ثلاثين ثانيه يقولون لها الصحن هذا بينكسر ليه تحطينه في الميكرويف وهي تقول لهم ادري عشان كذا حطيت 30 ثانيه بس ويقعدون يتكلمون عن الميكرويف والصحون ساعتين ونصف:angry: والله انا مليت من كثر ما اختي تشكي لي وانا ما عندي الا اصبري بس اليوم جاء في بالي حل شورو علي اذا صح عشان اقول لها تسويه .. وهو انها تقول لزوجها ان يقول لاهله لا ينصحونها كثير لانها ماتحب وانهم يجاوبون يوم هي تطلب منهم النصح !!! شرايكن بنات !! في هالحل العجيب
20
2K
يلزم عليك تسجيل الدخول أولًا لكتابة تعليق.
مثل مايعطونها ملاحظات هي بعد تقول لهم انتوا ليه كذا توجهون الواحد كانه جاااااااهل اذا هي ركزت هم بيتفشلون
شادن55
•
يا إختي عادي ينصحونها ما فيها شيء , هذا من حبهم لها , وإنتي تقولين حتى الأخوات ينصحون بعضهم , مو معنى هذا إنهم يبون يضايقونها , هم كذا على نياتهم
جميلة44
•
ترا هم يتصرفون بحسن نيه
خليها تطنش بس
وزي ماكانت تقول دايما تقول ****الله وتطنش
يعني تسمعهم بس تسوي الي براسها
لكن لاتعلم زوجها عشان يقولهم لانهم بيتحسسون منها ويفهمون غلط
وبعدين ياهي بتتعود عليهم ياهم بيتعودون
وتمشي الحياة
خليها تطنش بس
وزي ماكانت تقول دايما تقول ****الله وتطنش
يعني تسمعهم بس تسوي الي براسها
لكن لاتعلم زوجها عشان يقولهم لانهم بيتحسسون منها ويفهمون غلط
وبعدين ياهي بتتعود عليهم ياهم بيتعودون
وتمشي الحياة
الصفحة الأخيرة
ونفس ماايسووووون خليهاتسوي زيهم
والله يعينها