مشكلة اخوي الصغير المعققققددده!!! مالقينا لها حل 😭 ادخلو بليييز

مرررحبا بنات وش اخباركم ؟؟؟؟
بدخل في الموضوع ع طول ،،،،، مشكلة اخوي الصغير يابنات رفضضض يروح المدرسه مع ان عمره 9 ولسا مادرس كل سنة اهلي يسجلونه ويرفض يروح المدرسه الصبح اما في الليل يجهز الشنطه والدفاتر والاقلام ومتحمس مرررره وي ماما صحيني بدري واذا صحته امي يلبس ويفطر ثم اذا جاء عند عتبه الباب هووووون وقال خلاص مابي اروح يرفض فجاااااه مدري وش فيه بالضبط اهلي حاولو معه كل الاساليب معه امي وابوي زعلو عليه وعاقبوه منعوه من الايباد والبلايستيشن والتلفزيون وكل شي يحبه ومافاد معه وحتى ضرب ضربوه ماخلو وسيله مااستخدموها ولا حياه لمن تنادي مرات اقول الدلع له دور الولد اي شي يطلبه مجاب وخلاص عرف نقطه ضعف امي وابوي اذا بغى شي ززززززننننن عليهم وع طول يوفرون له الشي الي يبيه كله عشان يفتكون من حنته كلمته تمشي في كل شي وحتى المدرسه عرف انهم مايقدرون يغصبونه وكالمعتاد انهم بيسمعون كلامه اذكر اول سنه سجلوه فيها درس كم يوم بالغصب ومعلم مصري قالهم الي يبكي بسكر الباب وماراح اخليه يطلع وشكل الولد تعقد مع ان ابوي غير له المدرسه بس برضو رافض وسجلوه ترم في التمهيدي واستمر شهر ماشاء الله عليه لدرجه قلنا انفكت عقدته وللاسف انتكس من جددديد ررررفضضض يررروح ماادري وش بلاه والله العظيم يابنات ان امي مهمومه بسببه شايله همه مره تقول مستقبله ضاع والسنه الجايه عمره عشر ماراح يقبلونه مرات احس فيه خوف مع ان شخصيته مرررره قويه مع الاطفال الي بعمره ومحد يقدر يسيطر عليه وذكي جددا ماشاالله عليه يفهم الكلمه وهي طايره بس مدري وش فيه بالضبط هل ممكن تكون صابته عين عشانه ماشاالله جميل وذكي ولا عنده عقده نفسيه انا اقترحت ع اهلي ان يودونه دكتور نفسي بس محد سمع لي تككككككفووون يابنات الي لها ولد او اخو مر بهالحاله تقولي وش سووو معه افيدووووني يابنات تكفون عشان خاطر امي والي ماعندها علم ترفع المووووضوع ~ وسلامتكم~