مشكلة اخوي ساعدوني

انتبهي على اخوك
لازم اهلك وخصوصا ابوك يدري
شلون تسكتين وتقولين ما ابي اعلم
هذا مراهق مو طفل تقدرين عليه
مايقدر عليه الا اب او اخ
الولد لايضيع
ومعروف اي متحرش بالدنيا ماصار كذا الا لانه تعرض لهالشي بطفولته
قولي للاهل وللاب وكلمي اخوك وانصحيه من ناحية الدين خوفيه بالله حسسيه بوجود ربه وانه مطلع على كل افعاله واقواله
بلغي امك عشان تدعيله وتستودعه

ربي يحفظه

الله يهديه ويحفظه ويبعده عن هذا الطريق

حبيبتي أكيد لازم تقولي لأبوك ولأمك

بكره ينكشف يقول لأهلك أختي كانت تعرف
وتجي المصيبة على راسك

أو يكبر ويندم على حاله ويحط السبب عليك
ويقول أختي السبب لو علمت أبوي كان منعني
أكمل في هذا الطريق، وكان حالي الحين أحسن.

هذا من ناحية، ومن ناحية ثانية وهي الأهم
هذا الموضوع اذا بدأ فيه الولد مو بيده يخرج منه
يحتاج شخص يكون له عليه قوة يمنعه.

طبعا ما أقصد بالقوة الضرب لكن أقصد قوة في النصح والتوجيه
لأن الضرب بيزيد الموضوع، ويا اما يعاندكم أو ياخذكم بالسياسة
ويقول بطلت وهو مستمر في وضعه.

وترى ممكن يحتاج لطبيب نفسي، ومو يروح بنفسه
لا، أبوك يروح يستشيره وهو يعلمه ايش يسوي
وممكن مستشار اجتماعي.
الموضوع مو بسيط، الحقوا عليه طالما ما زال لكم قدرة عليه

وشوفي هنا استشارة ممتازة جدا، بتفيدك
http://www.alukah.net/fatawa_counsels/0/32206/

الله يوفقكم ويسعدكم بس اخاف اقول لهم مايصدقون وكمان فكرت فيها هذي ان احنا نعرضه على طبيب نفسي مره خايف

اخوي الكبيرعمره 20 توه اكتشفه الحين انا وهو ندري يعني نتوكل على الله ونقول لاهلي احس حالته في تدهور

لازم تقولي لهم، وما دام أخوك الكبير اكتشفه
اتفقي انتي وهو وروحو لأمك وأبوك وعلموهم

صلي الحين ركعتين واستخيري وتوكلوا على الله

ولابد توجهي أمك وأبوك انهم يتملكوا أعصابهم
لأنه مستحيييل الموضوع ينحل بالضرب والتهزيء الجارح


حاولوا تلموا الموضوع، وترى هو ضايع أصلا
محتاج اللي ينجيه مو يزيد الموضوع عليه

لا تجرحوه بالكلام، كونوا متفاهمين

الله يعينكم ويبصركم بالصواب ويهديه

امسكيه انت واخوه وتكلموا معاه وبينوا عاقبة التحرش في الدين والمجتمع ومآل كل من سار على هذا الدرب
واحرصي انت واخوك على صحبته وشغل فراغه بما ينفعه ويجعله يحب صحبتكم الخيّرة
اطلبي من اخيك ان يصاحبه يخرج معه ويصلي بالمسجد معه ويتعرف على اصدقاء صالحين وتكون صحبة غير ممله بل فيها سفر داخل البلد وتجمع مع شباب وتكليفه ببعض المهام
ولا أويدك بفضحه بل الزموا الدعاء له ومراقبته وتهديده بانكشاف امره عند اهلك ان لم يتوقف
ان لم يرتدع بلغوا والده عنه
الله يهديه ويهد أمة محمد للحق