السلام عليكم يا احلى حوااائيااات
تكفون يابنات انا بعرض عليكم الحالة اللي مر فيها اخيي-->الله يوفقه للي فيه الخير
وابي دعواتكم له بالتوفيق لعل منكم مستجابة الدعوة..
انا قبل كنت اسمع بالواسطة وكيف ماشية عندنا بس بصراحة ماعبرتها ولا حركت فيني
شي صح انه موب عاجبتني لكن ماعلي من هالموضوع(أو بمعنى اصح بالعلة) لين شفت بنفسي
اخوي الأول كان يبي يسجل بكلية عسكرية--->اتوقع مايحتاج اشرح لكم كيف يوصولونه الناس:)
و المهم انو ماحصل واسطة او اللي حصله شي مانفعه ابدا..وسجل بمجال ثاني ومشى حاله الحمدلله"و ربي يتمم له بخير..
مع انه ماشاءالله معدله كان مرررة حلو بس يلا الحمدلله الخيرة فيما اختاره الله --->والكلام هذا قبل 4 سنوات تقريبا..
يوم جت السنه ذي وتخرج اخوي الثاني من الثانوي ومن يوم عرفته وهو امنيته يدخل كلية عسكرية-->عنيد ومجازف والله يكفيه شر مجازفاته و تفكيره .. الأهم انو من قبل تبدأ الإختبارات وهو يحوس يدور واسطة سنعة
بصراحة كنت الومه كثير يعني لدرجة مهمل دراسته عشان يحوس بالواسطات--->مرررة شاغلة تفكيره وآخذه وقته .. وطبعا تخرج بحمد الله ومعدله ولله الحمد كان احلى من اخوي اللي قبله ومعدل القدرات والتحصيلي
لا بأس فيه واهم شي بدت شغلات التسجيل والمواعيد وكان اكثر تسجله عن طريق النت وسجل بالكليات العسكرية و سجل بقطاعات ثانية لا عد لها ولا حصر ولاااا بعد سجل بجامعات بقلعة وادرين--->كنت اقوله حرام عليك معدلك حلو بس بتاخذ القبول المبدئي عن ناس اقل منك وقبولك ان شاءالله مضمون لو موب بالعسكرية--->ياعزي عني بس ما ادري وش الطبخة وع نياتي؟؟:(
و كنت انا متابعة معه تسجيلاته ومنغثة منه ع الآخـــر من كثر المجالات اللي سجل فيها وكل مجال له رقم قبول ومتابعة طلب وماادري ايش..ويوم بدت تطلع بعض نتائج القبول وأولها هالعسكرية كلنا تأثرنا فيه لأنه حلمه الوحيد
ولا يهمه اي مجال كثر ماتهمه هالعسكرية(اللي تعد وش كثر جت هالكلمة بموضوعي له جائزة:26:) و يلا رضينا لأن الوالد
اصلا كان معطينا قناعة بعدم قبوله ويحاول يقنعه هو بس مافيه فااايدة مو راضي يقتنع ابد وسودت الدنيا بوجهه
ويلا عدينا هالمرحلة و ننتظر اللي غيره ومير ربي يسلمكم تتوالى النتائج للقبول و شي صراااحة يبط التسبد:humm:
ويشق القلب-->من ويييين جبته مدررري( بس الظاهر من الحرة يوم تذكرت ذيك الأيام)
وكل ماراجعنا له طلب نلقاه( غـــــيــــــر مــقـبــول) ولله يابنات انصدمت بجد صدمة مااقدر اوصفها وانا اللي اوصيه
يترك المجال لغيره بحكم ان معدله حلو...وولله يابنات ان كانت الجهات اللي رفضته سبع او ثمان جهات انه قليلة
اجل اللي معدلاتهم اقل وش حالهم...ووجامعاات كثييييرة ماقبلته و الجامعة اللي بمنطقتنا راح لهم مرتين ويردونه يقولون قيد الدراسة مع انهم يعطونه مواعيد للمقابلة بس بالأخير يأجلونه و ياقلبي عليه كان فيه قطاع مأمل عليه هو مررررة بعد هالماخوذة العسكرية وانصدم يوم لقا النتيجة غيرررر مقبوول وكنا كلنا عنده لعن ولعن وسب وطلع و وجهه اسووود ولله يابنات شقتني العبرة مو لهدررررجة الدنيا خربت كله واسطات وربي ضااااعت حقوووق بهالواسطات... هنا ابوي رحمه وقاله خلاص تجهز بكرة بنروح لمقرهم بالرياض لعل وعسى (مع انو ابوي قايل لنا ادري ان روحتنا هذي مافيها الا العنا بس بوديه لعله يقتنع ويشوف بنفسه وراحوا للرياض):3_10_6: "مشواااار موب هين ابد" وفعلا صدق ابوي الله يخليه لنا يقول قابلنا المدير ولله كانت نفسه زينه ويقول حلف لنا انه مادخل احد بواسطة ووعدهم لو صار فيه احتياج ولا شي يسوون مفاضلة لاخوي مع المتقدمين ويشوفون و للحين ماجا اتصال ولا شي..
والمعاناة للحين ما انتهت:09: كل الجامعات اللي طلعت بعده والقطاعات اللي قدم عليه ماطلع له فيه قبول ومن ضمنها قطاعات صحية وعسكرية ومعاهد دبلومات و مصانع وشركات بس للأسف ماطلع شي والرغبة الثالثة له اللي هي الجامعة اللي عندنا تأجله ويبدأ يلحق ع عمره بالتسجيل بجامعات بعيييييدة للحين ماقفل تسجيلها ولله فيه اشياء ماطرت عليه يسجل فيها بس الخوف من انه يبقى عاطل هو اللي حده جامعة الجوف--->جبته كمثال بحكم انه من ابعد الجامعات عنا
ومعهد ادراة ومصنع بينبع يعني صارت شغلته هو واخوياه ينبشون بالمواقع عن اماكن يسجلون فيها ويسجلون بعضهم وكلن يحوس من عنده لأنهم خلاص فقدوا الأمل واثنين من اخوياه سجلوا بجامعة المدينة واخذوا لهم مواعيد ويوم راحوا لهم طردوهم ماانقبلوا فيها وبقى عندنا امل ع خوف طبعا بجامعتنا والحمدلله بشااااارة طلع قبوله وبقسم حلو الحمدلله وع بالنا انو خلاص انتهت المعاناة بقبوله عندنا:icon28:
بس هو موب طبيعي ابدا متعلق بحلمه الوحيد و فاجأنا انو موب مقتنع يدرس المجال اللي قُبل فيه لأن قلبه معلق بشي ثاني والصدمة انو بيدخل ع امير منطقتنا و يطلبه:o ومن هنا بدت معاناتنا معاه مره ثانية بس يقول وش اسوي خلاااااص ماابي هالمجال وفعلا سوا اللي براسه وراح-->قلت لكم عنيد ومجازف
واخذ موعد لمقابلة الأمير ودخل عليه وطلبه وحاط امل عليه بالمررررة و بصراحة اني خايفة عليه من الصدمة بعد هالأمل لأن هالأمير الله يجزاه خير مشهود له بحسن السيرة والعدل ومااتوقع بيدخله بوساطته مع اني ادعي ربي يكتب له اللي فيه خير بس المشكله انه هو موب مقتنع..
انا بصراحة عاجبني اصراره وانه طرق كل الأبواب عسى ربي بفضله ومنته مايخيبه بس برضو خايفة عليه و مقهوووووووووورة من الواسطة و للحد اللي وصلت له انه يحرم ناس كثيييييير بسببه انا ما اقول يلغونه خلي اللي لهم عز بهالدنيا وروس كبار يستأثرون بنصيبهم من الدنيا بس موب بهالشكل ع الأقل يخلون ربع او نقول نص المقبولين يدخلون بواسطاتهم والنص الثاني مع ان الأحقية يكون ثلاثة ارباع المتقدمين يدخلون بمجهودهم وتعبهم
وشي ثاني ليش كــــــــــل المجالات تدخله الواسطة ولله حراااام:42: ع هالوضع شبابنا بيتحطمون و بيحسون بالخيبة لأنهم مهما درسوا واجتهدوا موب محصلين شي..ولا وش رايكم بكلامي؟
وتكفون ادعوا له بالخيرة موعده مع الأمير الأسبوع الجاي وهو حاط امل:44:
فيونكة الرئيس @fyonk_alryys
عضوة نشيطة
يلزم عليك تسجيل الدخول أولًا لكتابة تعليق.
مشكورين ع المرور
واللي شافوا الموضوع ولا ردوا اتمنى انهم دعوا له
لو بدون رد
الله يكتب لنا مافيه الخير
واللي شافوا الموضوع ولا ردوا اتمنى انهم دعوا له
لو بدون رد
الله يكتب لنا مافيه الخير
حسبي الله ونعم الوكيل
هالواسطة دمرت المجتمع ... الله يسااامحهم
والله يوفق أخوك ويرزقه مايتمنى
هالواسطة دمرت المجتمع ... الله يسااامحهم
والله يوفق أخوك ويرزقه مايتمنى
عذاابي :
حسبي الله ونعم وكيل الي متي نمشي بذالواسطات ناس تحطمت احلامهم وهم بتقادير ممتاز والي استفاد الي تقديرهم مقبول مانقول الي حسبي الله عليهم يليت ان الملك ينظر لهم ويمنعونا من الواسطه عشان الكل ياخذ حق جهده موب ناس نايمه طول السنه وفي لاخير وظييفه عشان معه واسطه وناس تكد وتتعب وماتنام الليل عشان تجيب نسبه وتدخل القسم الي تبيه وفي لاخير مافيه قبول الله يوفق اخوك ووفق الجميعحسبي الله ونعم وكيل الي متي نمشي بذالواسطات ناس تحطمت احلامهم وهم بتقادير ممتاز والي استفاد الي...
الصفحة الأخيرة
الي متي نمشي بذالواسطات ناس تحطمت احلامهم وهم بتقادير ممتاز والي استفاد الي تقديرهم مقبول
مانقول الي حسبي الله عليهم
يليت ان الملك ينظر لهم ويمنعونا من الواسطه عشان الكل ياخذ حق جهده موب ناس نايمه طول السنه وفي لاخير وظييفه عشان
معه واسطه وناس تكد وتتعب وماتنام الليل عشان تجيب نسبه وتدخل القسم الي تبيه وفي لاخير مافيه قبول
الله يوفق اخوك ووفق الجميع