مشكورات يابنات على ردودكم وتفاعلكم مع الموضوع

والله ماتصدقون وش كثر البنت متحمسه لهالزواج ومبسوطه وتبني احلامها عليه .. مااتجرأ اقول لها واصدمها اكيدبتقول عني اني ماابي لها الخير واني ابخرب عليها وبقطع نصيبها ..

والمشكله انهم يعرفونه من يوم يولد ومايخفى عليهم شئ صحيح انه مدخن وصلاته الله اعلم بها لكنهم راضين فيه ويبونه .. مااقدر اطلّع عليه اشاعات ..

انا برأيي ان يتم الزواج يمكن الله يحببها له ويحليها بعيونه ويحب طبايعها واخلاقها .. الله اعلم ..

ومثل ماقالت احد الاخوات .. ياكثرهم الشينات ومتزوجات وازواجهم يمووووتون عليهم ..

الله يسهل الامور ..الزواج تحدد بعد شهرين

دعواتكم يابنات بالتوفيق والله يسخرهم لبعض ..

قهرررررررررررررر عليها قوليلها او قولو لامها اي شي غير انه شافها وماحبها او ماعجبته اي كلام مايجرح ويخرب العلاقه بين الاهل

حراااااااااااااااااام عليييييكم ،،، بنات الناس مو لعبة بين إيديكم وهي انسانه مو يجرب عواطفه معها إن صلحتله ولا رجعها ،،، كنه ماخذ أي قطعة من السوبر ماركت إن صلحت ولا رجعت ويمكن حتى يتركها مهملة بين زوايا غرفته .... عندي اقتراح يمكن يناسبكم.. الحين ضروري فحص ما قبل الزواج ،، ليه ما يتكلم مع الطبيب لوحده ويشرح له الوضع ويقوله إنه ما يبغى البنت، لكن احراج من الأهل وافق وإنه بنفس الوقت ما يبغى يظلم البنت ويطلب من الطبيب يكتب في التقرير إنهم غير مناسبين لبعض عشان القرابة وإن الجينات متقاربه ويمكن يأثرعلى ذريتهم ،، عاد ما شاء الله فلسفت الأطباء ما تخلص!! برأيي هذا أنسب حل للخروج من الإحراج بدون جرح مشاعر أحد والله ولي التوفيق وسلامتكم ..

حرام كسرررررررررررررررت خاطري :( ..دام انك تقولين بيطلقها بيطلقها طيب يطلقها الحين ارحم من بعدين ............الله لا يحطنا بهالموقف

مدام انها مو جميلة وعارفين مواصفات اخوكم ليش تخطبونها ؟؟
وبعدين انتي ترضين انه يجي واحد يخطبك ويقر في نفسه ان بيطلقك او يتزوج عليك واهلة عارفين وما يعلمونك بحجة انه يمكن تحلا في عيونه
واذا انتي متزوجة وضامنه نفسك فلا تضمنيه بكرة في بنتك او اختك ترى الدنيا دوارة ولا تقولي مالي دخل لانك شريكة مع اخوك
ياليت ما تظلمون بنت الناس بأنانيتكم وخافوا لو بكرة طلقها او تزوج عليها انها تدعي عليك بدعوة ما تسرك وتخلي حياتك تعاسة وكدر ترى الظلم ظلمات ودعوة المظلوم ما بينها حجاب
قال ايش قال يمكن تحلا بعيونه ؟؟