اخت جويل فعلا هذا انا اسويه دايم اقوله والله لو تفكر بس مجرد تفكير لاخليلك عيالك تحتاس فيهم واروح لبيت اهلي ومن ناحية اللبس والشياكه فانا كل يوم في شيئ جديد وما اخليله اي فرصه :27: ومحافظه على نفسي مره بس الرجال ميملى عيونهم شي




اللهم اجعلنا زوجات صالحات وترضي ازواجنا فينا ولاتقهرنا بزوجه ثانيه قولوا آميييييييييييييين
:26: امين :

نحن نسوي اللي علينا اخت هاشميه والباقي على الله
ومن الاصل لاتسمحين له بالكلام بهالموضوع
انا مره زوجي لمح عن واحد صاحبه تزوج ثنتين قال عنده خير كثير ليش لا
انفجرت انا وزعلت منه اسبوع

حتى لايفكر مجرد تفكير بالموضوع بس هالايام مثل ماقلتي المغريات كثيره بره البييت هالشي يخلينا مانحس بالامان بحياتنا الزوجيه وبرايي الوحده فينا لازم تكون مستقله ماديا حتى تحس بقوه لو لا سمح الله وحصل شي ممكن تعتمد على نفسها واحس الريال دوم يحسب الف حساب للزوجه اللي تقدر تعيش من غيره او اللي وراها اهل يسندونها بس لو كانت تضيع من غيره ولايمكن تتخلى عنه مهما صار ساعتها لو بباله شي يسويه ولايهتم

هذا رايي الشخصي :) ومايندرى صح او لا

على كل حال اللي يهنيج ويسعدج مع زوجج ويجعلج احلى نساء الارض بعيونه

اشكرك اخت جويل بس الرجال دائم يميلون للمراه الي يحسون انها بحاجتهم وبكذا يحس انه الاقوى والمسيطر ويبغ يحس انها دايم محتاجه له هذا الي الاحظه في مجتمعنا وش رايك :17:

وانتي الله يهنيك مع زوجك ويسعدكم :26:

رايي العكس

الزوج لو حس ان زوجته لا يمكن تستغني عنه بياخذ راحته وبيحس مهما سوا بتتحمله

هذا رايي والله اعلم

واولا واخيرا كل زوج وشخصيته بس من اللي اسمه واشوفه احس دوم اللي يتزوجون مره ثانيه زوجاتهم الاوليات كانوا يتحملونهم ازود عن اللازم ومهما شافت منه غلط تسكت له ويدري انه حتى لو تزوج بتتحمل ومصيرها تتعود بس لو حس انها وراها اهل وبتخليه لو سوا جذي وبتقدر تعيش من غيره لو قصر معاها فهو ساعتها بيحسب الف حساب قبل حتى لا يفكر
والله يكفينا شر خراب البيوت

مرحبا أختي
تدرين كثير اللي عددو يكون بتأثير الأصدقاء ,
فيه واحد من المعارف عنده ماشاء الله ما يقارب العشرة من الأولاد والبنات من أم عياله الأولى ولما تزوج الثانية أذكر إننا تفاجأنا لأن زوجته ماتعيبينها بشيء ماشاء الله أذكر سألت أمي لما قالت لي الخبر ليش تزوج أم فلان مقطعة نفسها إربا إربا :(في سبيل إرضاءه قالت يقولون إنه يقول أبي ذريةأنا صرت كذا>>:06::06:على ام فلان هذي لها سنين المسكينه وش تسوي إلا تجيب له ذريه:06: حتى سنها كان صغير وقتها يعني شابه ماتقولين عجوز و بس قعدت كم سنه عقب آخر واحد ماحملت ولقاها عذر الرجال ,والاصح على قولت أهله إنه كان من المغرر بهم وإن اصدقاءه أثروا عليه وأكيد مو من باب (حب لأخيك ما تحب لنفسك):44: الله المستعان

ما ألومك عزيزتي وأدري إن التعدد مب سهل على كل الحريم مع إنه أحيانا يكون رحمة لبعض الحريم

وما أقول إلا الله لا يوريك ماتكرهين ونصيحتي لك حاولي تظهرين لزوجك إن التعدد ممكن يشقي وإن كثير من اللي عددو ندموا وشقوا

والله يريح بالك