مشكلة الأسبوع : ( كيف انصح والدتي؟)

السلام عليكم ورحمة الله وبركاته ...

مشكلة الاسبوع هي
تقول الاخت السائلة

مسألة بدون تطويل تخيلي نفسك في موقفي تزورنا ام طليقي بعد غياب سنتين فأرحب بها واضيفها ولدي احساس كبير انها تريد ارجاعي لابنها واضح من كل تصرفاتها وأنا في المطبخ اسوي الشاهي ارهفت اذني لأسمع فاذا بالوالدة الحنون هات يا حش فيني من الألف الى الياء وبصوت منخفض حتى لا أسمع وذكرت لها ادق الاشياء اللي اعملها تسهر بالليل وما تقوم من عالكمبيوتر وما تدري عني ومن هالكلام وكأن قصدها من الكلام يا حظك افتكيتي منها انت وولدك والله اني لحظتها حسيت دقات قلبي زي الطبل معقول توصل المواصيل لهدرجة ومن من امي اللي لازم تعوضني الظلم اللي جاني من الطلاق ما اقول الا حسبي الله ونعم الوكيل فيها هل اواجهها بأني سمعتها والله اني ليلتها تمنيت لها الموت ام اسكت واحقد عليها ام ماذا افعل مع العلم ان امي مشهورة في العايلة بهالتصرفات الغريبة اللي تفشل وكثير من اخواني يقاطعونها فترة ثم يعودون لكن انا اللي مقابلتها كل يوم وش الحل امانه لا تخليني انتظر ردك ورد الاخوات وانا عارفة ان اكثرهم بيتهجم علي ويقول امك لكن والله ما عاد اتحمل ولولا خوفي من الله كان سويت فيها شي ما يتسوى الله يصبرني اسعفوني بحل قبل لا اموت ولا اعمل فيها شي هي ما تصدق اي شي يجي مني عشان تسوي روحها مظلومة ومغلوبة