مشكلة الاسبوع : ((زوجي وزوجته الثانية ))

السلام عليكم ورحمة الله وبركاته ...

مشكلة الاسبوع هي لإحدى الأخوات





.المشكله من بدايتها اني عاندت امي علشا ن زوجي امي رافضه
اني اتزوجه علشان هو يسكن في منطقه تبعد عن مدينتنا 4ساعات
المهم تزوجت وبدأت سلسله التنازلات كنت اخذاغراض من اهله صحون لحف كنب
اشياء مايحتاجونها وعلشان مااثقل عليه ويشتري اشياء جديده
عشت حياة زي الفل الى ان انجبت 3اطفال واحتجت خادمه تساعدني راح
لاندونيسيا يجيب لي خادمه ولما جات بعد فتره قررت اطلع اشتغل علشان اساعدة في
المصروف وطبعا دوامي قبل دوامه كنت اطلع قبله بعد مااجهز الفطور واحطه بغرفه
النوم ....
كنت احيانا ارجع الاقيه في البيت واساله يقول نسيت اوراق في ورجعت اخذها
المهم اكتشفت انه على علاقه بها زعلت وسفرتها ونسينا الموضوع بعد فتره
دخلت على الانترنت ودخلت على الهستري وولقيته لازال على علاقه بهاعن طريق
الانترنت كلمته بهدوء وقال انه يبي يتزوج حاولت معه يقول وش المشكله وش
ناقصني قال مافيه مشكله ولاينقصك شي ولا منعني من الزواج الا اني مالقيت
وحده تنافسك
جا يوم وقال ابغى اودي امي للاردن علشان اعالجها قلت طيب اروح معكم قال
لا امي ماتبغى ازعاج الاطفال
ومده السفر اسبوعين راح وجلسو شهر كامل ورجعو من غير هدايا
بعدها حسيت انه خايف على جواله مايبغاه يطيح منه اخذته وقريت الرسايل لقيت
بلاوي مرسله باسم رجال مره سالته قال هذا واحد تعرفت عليه هناك مره اتصل
هذا الشخص الساعه 3 الفجر ورديت عليه وطلعت بنت ماقلت له شي بعدها صار
كثير السفر للاردن يقول انه رايح عنده مشروع تجاري وبعدها باع البيت اللي
احنا ساكنينه واشترى بيت اصغر ويحتاج ترميم وكنت على وشك ولاده وولدت
والبيت ماخلص ومع بدايت الدراسه سافر وتركنا لمده 3اسابيع على اساس انه كورس
من الشركه وبعد ماجا لقيت بشنطته صور لزواجه بفندق فخم وهي الان حامل راح
وجابها للبحرين وبلدنا تبعد عن البحرين ساعتين ونص وصار لها 10 ايام هنا
وهو كل يوم يطلع من العمل ويجي عندنا 10 دقايق وبعدين يروح لها
انا ماابغى امي تدري ولا اهلي وخايفه على ايامي الجايه واطفالي الخمسه
ما اري وش اسوي



بارك الله فيكم والسلام عليكم..