ام الخمائل :

انا ام وبقول لك بكل صراحة واعتبري نفسك بنتي... انا اخاف على بنتي وخوفي عليها مو معناه اني ما اثق فيها...انا اثق فيها ثقة عمياء لكني ما اثق بغيرها واخاف من النسمة على بنتي حبيبتي... ولو امك ما تثق فيك ما كانت سمحت لك تدخلين النت ..حطي نفسك مكانها عايشة عمرك كله بدون هالامور ثم استجدت فجأة وهي ما تفهم فيها طبيعي بتحسها شي خطير... ومن ناحية صديقاتك هي تشوف ردات فعلك وكلامك وبيجي ببالها ان تفكيرك وردات فعلك كلها من تأثيرهم...فانتي دايم خليك البنت البارة وتكلمي عندها ان صديقاتك يوصونك عليها ويحرصونك عالخير وحببيها فيهم...اذا شافت تصرفاتك طيبة بتعرف ان صديقاتك طيبات وتأثيرهم طيب... ومن ناحية الزيارات قولي لها تعالي معاي نزورهم واذا راحت معك مرة وشافت الناس طيبين بتتطمن وتخليك تروحين...وخلي الامهات يتعرفون على بعض عشان يتزاورون وانتي ما تنقطيعن من صديقاتك.. والاولاد طبيعي ماتبيك تمزحين معاهم مزح ثقيل لانهم جفسين وانتي بنت ناعمة...واي مزحة ثقيلة ممكن تتعبك وهم ما يحسون... فبتخلي بينكم حد ما يتجاوزونه...ولو انتي تجاوزتي هم بيزيدون وانتي الضحية... ثقي يا قلبي انكم انتم يا بناتنا نور عيوننا واعز علينا من انفسنا ... مهما قسينا او شدينا معكم فهو والله الحب والغلا والخوف عليكم وليس منكم...

انا ام وبقول لك بكل صراحة واعتبري نفسك بنتي... انا اخاف على بنتي وخوفي عليها مو معناه اني ما اثق...