مشكلة التعلق بالام والخوف من فقدانها

السلام عليكم ورحمة الله وبركاته
عساكم بخير
أنا حبيت تشاركوني تجاربكم في كيفية التغلب على حب الام ،، يمكن يكون موضوع غريب شوية بس انا فعلا أعاني منه ،،
انا حاليا مع امي واشعر بخوف شديد من فقدانها وخاصة لانها مريضة وأحيانا تجيها إغماءات وانا اهتز في داخلي ويكون صداع قوي وفزع لدرجة صرت اخاف أمارس حياتي خارج البيت ،، صحيح انا موظفة بس اخذت اجازة عشان اكون بجانبها لانه اليوم اللي هي فقدت الوعي ما كنت بجانبها وسبحان الله لاني دايما بجانبها فجاني فزع ربي يعلم فيه صرت اخاف عليها وحتى جاني الضغط،،انا اكتب الحين واحس الصداع بيطلع من عيوني من التفكير في طرق علاجها وماني عارفة كيف أعالجها رغم انها تنومت في مستشفيات كثيرة وودي أساعدها بس الله كتب لها المرض وهذا نصيبها ،، كيف أتغلب على خوفي عليها وكيف اقدر أمارس حياتي بطريقة اكثر مرونة صرت احس اني مريضة نفسيا،، لانه صرت استخسر في نفسي السعادة يعني لا صديقات ولا علاقات اجتماعية ولا شيء:
في البداية اتمنى منكم الدعاء لها بالشفاء العاجل غير اجل وان الله يريح قلبي ويبقيها دائما بجانبي،،
وثانيا اتمنى تفيدوني وتشاركوني تجاربكم هل التفكير في الأم بهذا الشكل طبيعي ؟ ولو طبيعي بشو تحسون مع مرض والدتكم ؟ ولو مو طبيعي كيف أتغلب على مشاعري هذي وأمارس حياتي بشكل طبيعي لانه وصلت مرة لدرجة اني دعيت الله ياخذ روحي قبل روحها ولا العذاب اللي احس فيه بسبب مرضها ،، مع العلم اني دايما احاول أساعدها بالإيجابية والتفاؤل وما ابين لها ابدا بالرغم اني في داخلي ميتة رعب وخوف من فقدانها .