السلام عليكم يا اخوات ..

بالنسبة لي فأنا عصبي جدا وانفجر بسرعه ..

حاولت ان اعالج نفسي كثيرا ولم اقدر ...

فكرت بأشياء كثيرة وخصوصا اني مقبل على زواج .. واريد ان اكون في أكمل حال ..

مسألة العصبية والزوج العصبي تعتمد على طبع الزوج نفسة والبيئة الموثرة علية ..

بأختصار الزوجة الذكية هي التي تمتص غضب زوجها .. ومع الايام يحاول الزوج تهدئة نفسة وتدريبها

اهم شي الصبر والخروج عن المناوشات والتراشق بالالفاظ .. ومحاولة الهدوء وعدم الرد والعناد وخصوصا الزوجة

والرجل دائما يحب ان تكون كلمتة هي الاولى والمسموعه وهذي مشكلة الرجل الشرقي بالذات ...

الهدوء والدبلوماسية في الحوار هي الحل الاكيد للعصبية ..

واستخدام بعض المهارات المهدئة للعصبية مثل تكرار بعض الجمل ... وتغير الموضوع ..

ودمتم بخير .

اما انا فعصبيه جدا وزوجي عصبي شوي مش وايد لكن تعالوا اذا عصبت اقلب عليه الدنيا بس انا ماعصب عليه الا اذا شفت شي اثار غيرتي ومشكلتي اني غيوره جدا يعني اذا كنا قاعدين نطالع التلفزيون وانا ماخليه يطالع معاي الا الاخبار تجنبا للهواش اذا طلعت مذيعه حلوه احاول امسك نفسي ولكن اذا طلعوا مثلا في الاخبار وحده لابسه قصير ولا شي تلقوني انفجر فيه ......وهو متعقد من هالغيره مادري اشلون اعالجها مع انه يقولي انا ماطالعهم وانتي احلى منهم مع اني واثقه من نفسي والحمدلله اللي يشوفني يقول عني بنت بس بعد اغار حتى لو طلعت وحده جيكره

هلا بالغاليات ... موضوع رائع وكان في يوم من الايام اكبر همي ..

انا واعوذ بالله من كلمة انا .... كان زوجي يوم اتزوجه يضرب فيه الرقم القياسي في العصبية وشدددددة الغيرة .. على ان قلبه طيب .. لكن يثور بسرعة..لدرجة ان اهله واخواته كانوا يقولون الللللله يعينها عليه .... في البداية كان اذا جرحني بكلمه وقت الزعل ازعل واعصب . واجلس ايام ما اكلمه ...وهو يرجع ويتأسف . لكن مافيه فايده شوي ويثوووور بسرعة .. خاصة بعد ما جبت ولدي الاول .. وعلى هالحال وانا احاول ويائسه انه يتغير ..

لكن يا سبحان الله مافيه شئ الا ويتغير ...

تعالوا شوفوا زوجي الان الله يحفظه يارب .. صوته ما تسمعينه بعد ما كان يوصل للجيران ..علمته كيف يثق فيني وفي نفسه .. علمته الهدوء .. فهمته ان الرجولة ليست بالصياح والتجريح ..

لكنننننننننننننن هذا بعد جهد جهيد يعني بعد( 13) سنه زواج واربعة اطفال وابو عيالي من هادئ الى اهدأ....
والله العظيم ان اخواته يقولون الان سبحان مغير الاحوال ..ايش سويتي في الرجال ؟؟؟؟؟؟؟

قلت الصصصصصصصصصبر.والدعااااااااااء..والسحر الحلال .... عاد قولوا ما شاء الله

ما عليش طولت عليكم .. لكن حبيت اقولكم ان ما فيه شئ مع الصبر مستحيل .....والرجال مهما كان حار وعصبي في جواته طفل لازم تظهرينه .... اللهم اصلح لنا ازواجنا واحفظهم يا رب العالمين

ودمتم سالمين

اختكم في الله ______سكوووت

عزيزتي رمايه نسيت اقولك اذا كان تبين صلاح زوجك والهدووووووء يعم في بيتك اخرجي الدش والتلفزيون ..
وراح تشوفييييين التغييير .. بارك الله فيك ..

ودمتي سالمة

اختك في الله __سكوووت

اصلا هو تعقد مني ويقول لي خلاص اذا انا في البيت مابي اطالع التلفزيون بس بصراحه لحين يطالع الاخبار....بس هو يعرفني زين من يطالع الاخبار تلقيني جالسه وياه اطالع عينه حتى وهو يقرى الجريده مادري هو قلت ثقه فيني ولا في زوجي مع ان زوجي والحمدلله مشاالله عليه ماعنده سوالف بطاله ولايروح هنيه ولاهناك مادري ليش هالغيره المش طبيعيه فيني حتى انها تبين على وجهي بالذات اذا كنا قاعدين مع امه وجات توصف وحده سيده هو يقوم من مكانه يروح بعيد كله علشان ماتضايق والله مسكين زوجي يعاني واجد من غيرتي المشكله اني اذا غرت استوي قنبله وانفجر فيه واعصب