مشكلة الشك عند زوجي ذابحتني

السلام عليكم اخواتي

الله يسلمكم انا تزوجت من 8 شهور تقريبا
اول ما سكنت بالشقه لاحظت انو الباب يدق و لما اطالع بالعين السحريه ما اشوف احد
بعدها صرن الانترفون كذا مره اسأل مين .. محد يرد
قلت لزوجي انو لما تطلع يصير كذا قال يمكن احد غلطان .....

بعد فتره تطور الموضوع و صار يدق و يوقف عند الباب 10 دقايق و احيان الى نص ساعه
قلت لزوجي و سألني عن شكله قلتله مو واضح
و ذاك اليوم حط رساله تحت الباب كاتب فيها انا احلى من زوجك
خلينا نتعرف و ننبسط مع بعض لاني شايف زوجك اغلب الوقت مو بالبيت

انا جلست اصيح و عطيت الورقه لزوجي
عصب عليا و قال انو اكيد فتحتي له المجال و لا ما كان تجرأ وحط الورقه
قلتله لو انا ابغى اتعرف عليه كان اعطيتك الرساله .!!!!
قال مستحيل اكيد انك كلمتيه من عند الباب او شافك و انتي لابسه قصير

قلتله و الله ما كلمته و لا اوصل الباب الا لما اطلع معاك و و و و
بعدين سكت و قال مصدقك ..

بعدها بفتره صار يدقق لو يدخل البيت و يلاقيه مبخر و لا حاطه فواحه و لا منظفته
تنظيف شامل يستغرب و يسأل ليش .. مين راح يجي
قلتله عادي دايم انظفه بس زي ما انت عارف الأثنين و الخميس
تنظيف و تعقيم شامل ... يسكت
و اذا رجع البيت و لقاني لابسه و متعطره يقول ليش لابسه و متعطره .؟؟

قبل كم يوم سويت قهوه و هو بالاستراحه رجع بدري
و شاف فنجالين مشروب فيها .. قال مين كان عندك .. قلتله و انا اعرف مين
عشان احد يزورني ... قال طيب ليش حاطه فنجالين قهوه .؟؟

قلتله شربت بالاول و بعدها بوقت شربت بالثاني .. قال ايييييييه صدقتك


وضعي معاه صاير مررررره يقهر و صعب و يشكك و يحط مية احتمال على اي شي اقوله
مو قادره اخذ راحتي اذا لبست يستغرب و اذا ما لبست و كشخت يزعل
و ماسك كلمة وحده .. انتي مو واضحه و صريحه و تلفين و تدورين .!!!

 و قبل كم يوم شاف حلم مرررره يخوف عني
و نفسي اكلم مفسر احلام و اسأله بس مافي .. عندي كم رقم بس ما يردون