مشكلة الطول مسويه لي ازمه

يا صاحبات الخبرة انا بطرح موضوع مكدر خاطري وأبي افضفض عشان ارتاح والحكيمات يشيرون علي باراءهم لو تكرموا مشكلتي باختصار ان زوجي اقصر مني بكثييير وانا اساسا لمن تقدم لي ماشفته ولا احد قالي شي عنه أهلي وافقوا وانا ماكنت معارضه فكرة الزواج مع ان كان عمري 17 سنه المهم والله اني تمنيت لو أشوفه بس وكانت المفاجأة ليلة العرس والله اني انصدمت صدمت عمري وربي اني تحطمت ماكنت أتخيل ولا جاء في بالي انه قصيير كذا وللعلم أهلي كانوا يدرون وما علموني حسبي الله ونعم الوكيل المهم انهم الحين ماخذيني مصخره انا وزوجي وبس يتطنزون عليه وأننا اشكالنا غلط وكأني امه المهم وربي وربي اني في هم مايعلم فيه الا الله انا حتى عمري ما تجرأت اني أتكلم مع احد في هذا الموضوع لانه حسااااس بالنسبه لي ومو بس أهلي حتى اذا رحت انا وزوجي مكان عام الناس يناظروننا نظرات غريبه واحيانا يضحكون وانا وربي ارجع البيت أصيح لدرجة خلاص ماصرت اطلع معه مكان عام حتى اذا بروح السوق اقوله للتكلفة على نفسك خلك بالسياره باخذ غرضي بسرعه وماابين له السبب اللي خلاني اكره الطلعه معه انا مرررره تعبانه نفسيا مؤ بس برا البيت حتى في البيت نفسي يحضني والا احس بانوثتي عنده والله اني على مااسوي ما اشعر اني أنثى لسبب انه انا ضخمه عنده ( لانه هو قصير والا انا جسمي يجنن وطويل مؤ بطال) يديني ورجليني كل شي فيني اكبر منه والله تعبت خلااااص صرت اذا شفت وحده مع زوجها بالسوق تمشي بكعب وماسكها بيدها وهي اقصر منه وربي تدمع عيني مؤ حسد لا والله حتى اني اذكر الله بس غصه في نفسي حسرره ليش انا كذا ليش اهلي سووا فيني كذا وياليتهم يجاملون كرهوني فيه من كلامهم الله يخليكم انا كتبت موضوعي حتى افضفض واللي تبي تجرح رجاءً لا تعلق