أحسن طريقة هي الاختلاط بأهل اللغة الأصلية يعني بالنسبة لأولادي من وهم 6 شهور و8 شهور بيفهموا اوامر بالعربي والإنجليزي وللأسف الإنجليزي أكتر لأن وقتهم مع الصدقاء أكتر وكله انجليزي مافيش عرب .

بس الحمد لله بيعرفوا اللغتين ولكن بيميلوا للإنجليزي اكتر .

اللي حابة لازم تختلط بالجيران بشكل مستمر

اه ه ه ه ه ه ه ه ه ه ه ه ه ه ه حطيت ايدك على الجرح :icon33:
انا مقيمة بباريس ولغتي بعد العربي طبعا :D هى الانكليزية وبتذكر من شطارتي قبل الزواج وقبل ما انتقل للسكن هون ما خليت دورة انكليزي ما دخلتها ...... من كثر الذكاء :hahaha: وبعدين صار النصيب على فرنسا :icon28: :icon28: ما استفدت شئ من دورات اللغة الانكليزية :mad: :ohmy: :humm:
المهم صار الي فترة منيحة هون ولهلق غير متقنة للغلة الفرنسية اذا بتعرفي موقع مجاني ارجوكي لا تبخلي علي فيه ............
وحبيت اسالك انت وين مقيمة اذا ما فيها ازعاج ........
وشكرا على الموضوع

اهلا بكن
مهى

كلامك سليم لكن ما بيمنع انه الواحد يدرس قواعد اللغة
و بعدبن لازم التركيز على العربي مع الولاد و الا بيكبروا و بيخسروها لان شفت تجارب اللي بعرفهم في اولاد خسروا العربية كليا يعني متل ما بيقولوا بلبنان بيحكوا ارمني يعني عربي مكسر


الساجدة لله وحده
اختي اذا بتطلعي لمشاركة ام جهاد و معاذ شوي قبل مشاركتك بتلاقي مواقع لغة فرنسية حطيت لها ياهم
و انا معك بفرنسا و ما في اي ازعاج
و اهلا و سهلا بالكل المهم انه الاخوات الي مش قادرين يضهروا يدرسوا برا بيوتهن يحاولو من خلال هالمواقع انهن يتعلموا اللغة ببيوتهن

مرحبا أوركيديا

اعذريني للآن فقط اطلعت على الموضوع بشكل متاني ....

حاولت افتح بعض الوبسايت ....

هذا لم يعمل معي : Language Guide.org


طيب هل من الممكن أن تفيدينا بتجربتك في ميدان تعلم اللغة ...

سواء بالتعامل مع المواقع التعليمية او غيرها .....

أنا نفسي لغتي جيدة نوعا ما .......

فيني خلص حالي ..[س احيانا بعلق وساعتها بيحمر وجهي وبصير اشكال والوان .......!!!!!!!

أرى انه الثقة بالنفس وتحفيزيها وتشجيعها هي اللبنة الاساسية لتعلم اللغة ولعمل اي شيء ....ز

فبدل ان نشعر بالإحراج عند خطءنا بالتعبير او عدم فهم المتكلم وبالتالي يصدر منا رد فعل عكسي يكير كل ما تبقى من المعلومات ....... بدل ذلك نشعر باننا كما يقولون :(( كتر خييرنا )) وجيد جدا انن نتلكم لغة ثانية وافضل من الذين لا يعرفون إلا لغتهم .......

يعني يجب ان لا نشعر بالإحراج منهم

هذا كلام نظري أعرفه ولكنه يحتاج للتطبيق

أكثر شيء يعجبني انه إذا لم تفهم علي الامريكية مثلا تقول مثلا : أي دونت هاف اني آيديا أباوت وت يو آر توكينك

أنا ماعندي اي فكرة ابدا عن اللي بتحكي عنه

وكاني اتكلم عن المريخ .......!!!!!!!!

أو مثلا الكاشيير لما بيسألك سؤال وانت ما فهمتي عليه وتطلبي منه يعيد الجملة بقلك : نفر مايند

يعني مو مهم

الله يفتح علينا يا رب

اهلا يا شام

رح رد واحدة واحدة

عارفة انك مشغولة الله يكون بعونك لان رقابة المواضيع مش سهلة

بخصوص الموقع فقط انسخيه و الصقيه بخانة محرك البحث و ان شاء الله بيمشي
لان كل المواقع عندي ماشية بشكل عادي

بالنسبة لتجربتي ما فيي احكي بالتفصيل لان بيتعلق بمجال تخصصي و سبق و قلت لفرش انه ما فيي صرح فيه لانه نادر جدا و اللي بيدخل و بيعرفني بيقفرني دغري

اللي فيي قولو انه لازم الانسان يبدأ من الالف تدريجيا للوصول الى الياء بمعنى انه يبلش مع ابسط قواعد اللغة حتى لو بيعرفها و كل مرة يزيد شوي حتى يخلص النظري و بالوقت ذاته يكون عم يشتغل على السمعي اللي هو التلفزيون و الراديو و مع النظري و السمعي بيصير يطبق برا مع الناس في المراكز التجارية و غيرها من الاماكن و يعمل جهده ما يحكي مع العرب باللغة اللي عم يتعلمها لانه بياخذ منهم اخطاءهم من دون ما يشعر و يصير يستعملها بلغته

يعني رح قلك عن تجربتي مع الفرنسي
الحكي بالفرنسي بلبنان بيختلف عنه بفرنسا لان نحنا ما بناكل الاحرف و نحكي الكلمة كاملة (طبعامع اللي مضطرين نحكي معهم بالجامعة و الشغل) فأول ما جيت كنت ركز على الشفايف كيف بتلفظ لان نص الكلمة طاير و بما انه عندي الركيزة اللغوية(النظري)
وبما اني بحكي اللغة فدغري تعودت على اللهجة لكن كنت في البداية خجولة كتير خاف من كوني محجبة و خاصة شوف نظراتهم و بعدين تعودت على اني ما رح اقدر غير من موقفهم من الحجاب و الحياة لازم تستمر

و بعدين ما لازم الواحد ينحرج من شي وما تستحي من لي بيحكي معك لانه هو معود يحكي مع اهل بلده يعني انا كنت اللي يحكي معي بسرعة اطلب منه انه يحكي على مهله و ما فيها شي
مثلا زوجي بيحكي فرنسي متل الفرنساوية و بسرعة بطلب منه يحكي على مهله

الى جانب انه اذا غلط الواحد بالحكي و صلحوله الغلط كتير منيح بيحفظها لتاني مرة

المهم اي لغة سهلة اذا النية موجودة لحتى الواحد يتعلمها خاصة اللغة الحية لانه سهل كتير الاحتكاك بالناس و متل ما انت قلت عامل الثقة بالنفس كتير مهم

و ربنا بعين هو اخبر فينا

و اتمنى انه الصبايا يستفيدو و كلنا بنستفيد

و انا يا شام فحصت المواقع بدقة لكن لو برجع بقلك انه خذي راحتك اذا في شي للحذف

عندي سؤال لو سمحت

ليش بحس معك اني عم احكي على سجيتي كتير و بحس اني عم اتمشي بدمشق او ببيروت