هلا أخواتي ومشكورين على ردودكم...

بالنسبة للأدوية والحبوب....اتعبني وايد إذا كلتها ادوخني أكثر وتزيد اللوعة عندي...بس هالمرة الدكتورة كتبتلي دوا ثاني آكله بس قبل النوم في الليل...بس المشكلة بالنهار....جربت الخبز المحمص آكله على الريق ما نفع معاي...

مرة قالتلي أخت زوجي حاولي تشربين حليب بدون ما تحليه بالسكر...حتى لو رجعتي مو مشكلة المهم ما تخلين معدتج خالية لأن هذا يزيد الدوخة واللوعه...وسويت بنصيحتها قمت أشرب حليب والحمد لله لاحظت تحسن شوي وقدرت أوقف على حيلي وأصلب طولي....قبل والله حتى الصلاة أصلي جالسه وبصعوبه والفرض بس....وأشرب شوربه خضار خفيفة...يعني عايشه على السوائل بس...لكن المشكله إن هالشي سوالي إسهال ..مادري هل هو من الحليب مع إنه قليل الدسم وما أشرب أكثر من 3 كاسات في اليوم...أو من إني ما أشرب غير سوايل...مادري شو المشكلة....جربت بعد شاي الزنجبيل لكني كرهته وما أقدر أشربه

بجرب اللوز والكمون مثل ما قالوا الأخوات وبشوف...وإن شاء الله تعدي هالمرحلة على خير...دعواتكم بس إن الله يخفف عني

الله يكون في عوووووونج يالغاليه

الله يكون بعونك

مبروك على الحمل :icon28: والله يكون في عونك
فتره وتعدي انشاء الله

الله يكون بعونك اختي

بس حبيت انبه الاخواات((( الكمون )))في الشهور الثلاث الاولى مو زين للجنين خطر ينزله لان الكمون مفيد وقت الام الدوره يريح الوحده من الالام ويخليها تطهر بسرعه..

اتمنى اكون افدتكم وانشاءلله تخف كلها كم شهر وتشوف البيبي بصحه وسلامه ياربي

الله معاااااااااااااااااك