المشكله اكبر من الظاهر لك
لأن الزوجه ما تنقلب فجأه بعد هالعمر
اذا امك متزوجه 26 سنه وهي متزوجه صغيره فهي ما زالت شابه
وابوك فيه ضغط و سكر
بالأضافه انه متقبل الي تسويه فيه
اتوقع التقصير من الأب و تصرف الأم هو رد فعل على الأب
واي رجال مهما كان ما يسكت على ان زوجته تطلعه من المجلس يغسل المواعين و هو عنده رجال إلا إذا كان هو المقصر يعني تعويض
مدري اذا فهمتي او لا
لكن العلاقه بين الاب و الام صعب يفهمها الابناء
دورك انت ان تقربين بينهم فقط بدون ما تلومين اي طرف
لأنك ما تدرين ايش يصير بينهم داخل غرفة النوم عالمهم الخاص

المحبه مو شرط بعالمهم الخاص على قولتهم مادري ليه اغلب الردود تحمل هالنقطه :44:

يكفي العشره .. عشرة العمر هي اللي تخلي كل طرف يتحمل الثاني

الله يسخرهم لبعض

بنت نآس :- رداَ على كلامك ربي يسعدك ..

انا بوجهة نظري بعض المشاكل او الاشياء تحتاج تدخل او انه احد يصلح فيها

كل هدفي اني اوضح لهم بعض الاشياء
الغرض التذكير والنصح
مابي اخرب بينهم ذولي اهلي ونظر عيني
بس كل انسان تاخذه الدنيا ومشاكلها وينسى ايش الغلط وايش الصح بتصرفاته
ويحتاج احد ينبهه او يذكره ..
مايصير احط يدي على خدي واجلس كذا
انا اتمنى اسوي شيء يحل المشاكل الظاهره لي بشكل خفيف يتقبلونه ويفهمونه ..
- بس مين قال ان المشاكل بين الزوجين مايحلها الا هم بأنفسهم !!؟ طيب ليه بعضهم تلجأ لابوها ولا اخوها عشان يحل مشكله بينها وبين زوجها !؟
وليه فيه محاكم وفيه قضاة !؟
- فيه وحده جزاها الله خير نصحتني نصيحه جميله جدا انه اشغل المسجل واحط اشرطه دينيه يعني عن حقوق الزوجين وواجباتهم وحكم بعض الاشياء ..
وكتبتها هنا عشان تستفيدون بعد

من تحليلي للوضع باين ان امك مو مرتاحة جنسيا اسفة اني اقول كذا هذا الواضح لي وماقريتة من بين السطور رجل سكر وضغط وتعاملة هالمعاملة بس هالفترة من سنة واضح ان المشكلة من السرير وهالشئ ماتملكون لة حل