ابغى حل ببنتي الله يخليكم بنتي الله يصلحها تحب اللعب وحركه بشكل مو طبيعي وذكيه حيا ماشاء الله عليها احس عمرها اكبر من سنها عمره سبع سنوات حتى المدرسه ماخذتها لعب ومتفوقه ماشاء الله بس المدرسات يشتكن منها ماتجلس دقيقه بالكرسي ودايم تسوي حركات ترفع ضغطي وتعاندني ولا تسمع كلامي الا بمزاجها واذا عصبت وقلت لها بضربك تقول عادي ماخاف الا من الله
واليوم بغت تسوي لي مصيبه جت من المدرسه وجايبه معها وحده من بنات فصلها مع الباص اللي يجيبها والبنت ماعرفها ولا ادل بيتها بغيت انجن دقيتا على الباص وجا رجعها للمدرسه وعصب على بنتي يقول معد اوصلها
غير كذا تحب تتكشخ وتتزين وتستانس اذا احد. مدحها وتحب اني دايم ابوسها واحضنها انا وابوها وابوها من غير شي اربع وعشرين ساعه حاضنها ويبوسها ودايم اهاوشه واقوله قلل تبويس وحضن لها مدري هو الحنان الزايد خربها
ولله احترت يقولون الحنان زين للطفل وانا احسه يخرب الطفل دورو لي حل تكفون وش اسوي مابيها تتعود على الحنان الزايد واليوم اول مضره اضربه ضرب قوي ضربتها بالخيزران وطبع على رجولها والله قلب حيل يعورني ماني قادره انام اول مره افقد اعصابي كذا
يلزم عليك تسجيل الدخول أولًا لكتابة تعليق.
بنت سيد*
•
الله يهديها ويصلحها .. انا بعد اعتقد ان الدلال الزاايد موو زين لانه يخرب .. احسن شئ الاعتدال
والله ماني مدلعتها ومو اي شي تطلبه نسويه ودايم نعصب عليها بس الله يهديها مدري كيف نتعامل معاه ضرب مانفع وكلام مانفع وحرمان مانفع الله يصلحها ويحميها
جربت معها بس مانفع وانا للحين ضايق صدري اني ضربتها بس والله مالقيت حل انهبلت يوم شفتها جايبه بنت الناس معها
اول مره افقد اعصابي معاها كذا وهي بعد ماجتني بالساهل كان عندي مشاكل تاخير حمل وبعده اجهاضات وحمدت ربي يوم جتني بس والله تربية الاطفال حيل صعبه
الصفحة الأخيرة