مشكلة بنتي حبيبتي

السلام عليكم ورحمة الله.اخواتي حبيباتي مالي غيركم بعد الله انا بستشيركم بنتي عمرها،15سنه من هي طبعها من هي صغيره هادئه وحياويه وكنت اشجعها من اول ابتدائي ان تشارك في مدرستها وتشارك في الإذاعة المدرسيه والحمد الله صارت تخالط زميلاتها وتشارك في المدرسة وهي ممتازة باسم الله عليها ومؤدبه.كانو يمدحونها معلماتها ويثنون عليها هي درست الابتدائي تحفيظ الي صف خامس وكانت تمام وبعدين نقلتها لضروف تعليم عام وهنا كانت المشكلة دخلت هذي المدرسة وتغيرت بنتي مرره اول اذاعه شاركت فيها يعني اول ظهور لها في مدرسه جديدة عليها وقفت على مسرح الإذاعة تقول كلمه الصباح وكان صوتها واطي شويه والا تجيها مديرة المدرسه وتفشلها قدام الطالبات والمعلمات تقول لها هيييي ارفعي صوت انتي بكل غضب ومن بعدها بنتي خلاص تحطمت من هذاك اليوم الي يومنا هذا الان صف ثالث متوسط وهي حالها من سي الى اسوء كرهت الاذاعه والمشاركه وصارت مرره انطوائيه وكلامها قليل مرره مع زميلاتها وترتبك وتشكي لي تقول تحطمت وكرهت شخصيتي مع انها متوفقه لكن ما في ثقه في نفسها حسبي الله على بعض المديرات .كلمه منها تحطمت بنتي قسم بالله شايله همها كيف ترجع مثل اول احزن والله اذا شفتها بهذا الحال.ابقى تعطوني حلول وادعولها ترجع مثل اول.وراها ثانوي الله المستعان كل سنه تسوء الحاله.نفسي اخذ رقم هذي المديره وابردقلبي فيها...