السلام عليكم ياحوائيات ...
بصراحة موضوعي هذا صار امس العصر على اذان المغرب والبارح كلة نفسيتي زي الزفت وماعرفت انام بالليل وصحيت بدري وانا متضاااااايقة جدا من هالموضوع ....
بقولكم الموضوع وابغى منكم تشفون لي حل او تفسرون هالشي وهل هو طبيعي او لا ...؟؟؟
انا عندي بنتين بنت عمرها 7 سنوات مخلصة اول ابتدائي ورايحة صف ثاني ان شاء الله وبنت اصغر منها وعمرها 5سنوات .. المهم انا ساكنة في دور فوق وجيراني ساكنين في الدور الارضي ودايم بناتي ينزلون عندهم وبنات الجيران في عمر بناتي الاولى بتدخل اول ابتدائي السنة الجاية والثانية تقريبا خمس سنوات يعني اعمارهم باعمار بناتي لسى صغار يعني بنتي الكبيرة اللي خلصت اول هي اكبرهم سبع سنوات المهم .. طلبوا مني بناتي امس العصر يروحون لبيت الجيران ويلعبون مع بناتهم قلت لهم روحوا وارجعوا على اذان المغرب علطول وهم بصراحة بناتي خوافات اذا حددت لهم علطول يرجون للبيت بنفس الوقت .. فجاءة راحو للجيران الا خمس دقايق والجرس يرن بقوة وباستمرار الا بناتي الثنتين يبكون ومنهارين بكاء .... قلت وش السالفة قالوا ان ام جيرانا هاوشتنا ومسكتنا مع اذنينا بقوة الين بكينا وطلعنا من بيتهم ركض ... انا بصراحة استغربت وقلت مو معقولة بتسوي كذا من فراغ ...!! اكيد فية شئ سالت البنات قالوا ماندري وش السالفة لانهم صغار ومايدرون لو قالت لهم السالفه ... المهم صابني فضول وشوي قهر على بناتي قلت بتصل وبشوف وش السالفة ... المهم اتصلت الا تعطيني بزي .. وارجع اتصل وتعطيني بزي (( مشغول )) شوي الا تتصل هي قالت لي معليش كنت اكلم الوالدة ... قلت مو مشكلة .. المهم عسى بناتي ماسوو شئ غلط ؟!!!؟ جوني يبكوووون ؟
قالت بصراحة مادري وش اقولك قلت قولي وش السالفة ؟ قالت بناتي يوم يجونكم هذاك اليوم رجعت لي بنتي الكبيرة ظهرها يعورها ..؟؟؟؟ قلت كيف يعني ظهرها يعورها قالت انها تقول ان بنتك الكبيرة تقولها انبطحي على بطنك وتجي فوقها وتجلس تتهزهز فوقها ؟؟!!!!!!!!!!!!!!!!!!!!!!!!!! استغرت وانذهلت من هالكلام وحسيت كانها صافعتني بكف على وجهي وقلت وش هالكلام يمكن حركات بزران او يلعبون لعبة وبنتك فهمتها غلط قالت لا ان بنتي تقولة ومتاكدة منه ؟؟!!!! قلت عطيني بنتك اسالها وش السالفة بطريقتي ... عطت بنتها السماعه وسالتها قلت وش سوت لك بنتي يوم كنتوا عندنا قالت انها تقولي انبطحي وتجي فوقي وتتهزهز ؟!!!! معاد شفت حسيت الدنيا تدووووووووووور فيني وخذت امها السماعه وقالت انا ما ابغاها تكبر ولو درا ابوها صار شئ ثاني ؟! قلت اقولك وبس .. قلت عموما انا راح اشوف الموضوع مع بنتي .... انا من سكرت السماعه واحس الارض مو شايلتني احسها تدور فيني معقولة بنتي تسوي هالحركات عمرها ماشافت اي شئ مثل كذا وغير هذا انا حريصة ومن وهم صغار انهم ينامون هي واختها بعيد عنا انا وابوها كلة من هذا لايصير او انها تشوف حركة منا انا وابوها قدامهم .. بس كانت بنتي تتابع التلفزيون والقنوات الفضائية وخاصة المسلسلات التركة ..
وبعد ماقفلت السماعه من ام الجيران مسكت بنتي ورفعتها من الارض بيديها وهي تبكي وانا بس قابصتها بكل قوتي ونزلتها وعطيتها كفوف وكفوف وكفوف على وجها الين اصابع يدي بانت على خذها وهي تبكي بين يدي وتقول والله ياماما ماسويتها وانا اضربها اسالها انتي سويتي كذا مع بنت الجيران وتحلف والله ياماما ماسويت شئ وهي تبكي بقوة وتصرخ وانا بس اضرب فيها مارحمتها الين احس اني برد مافي قلبي من اللي سوته .. وراحت تركض ياعمري لشنطتها وتجيب لي المصحف ياماما ابحلف لك على المصحف اني ماسويت شئ كنا بس نلعب ونطب على بعض والله ياماما كلنا الاربعه انا واختي وبنات الجيران والله ياماما ...
وراحت تبكي في غرفتها ... وخليتها في الغرفة وطلعت عنها .. شوي الا تجيني ياماما لاتزعلين مني ..قلت انا زعلانة منك وماراح ارضىى عليك ابدا ومانتي بنتي خلاص اللي تسوي هالحركات مو بنتي ابدا .....!!!!؟؟
وجت جلست جنبي تستعطفني .. وانا تذكرت الموضوع وومسكتها ثانية وضربتها وانا اضربها حسيت ان بنتي صارت يديها تتعكف من كثر الالم والضرب اللي جلدتها وهي تبكي ..وخفت عليها بعد ماشفت حالتها كذا ...وضميتها لصدري وقلت ياماما اللي سويتية غلط فشلتيني في ام الجيران واحرجتيني معاها وهي بس تبكي وتقول ياماما يكذبون علي ماسويت شئ والله .... طبعا انا ماصدقتها وقلت مو معقولة بنت الجيران بتكذب عليها وسالت بنتي الصغيرة وقلت هي اختك سوت كذا وكذا مع بنت الجيران يوم جو عندنا قالت ايوة ما ادري هل هو خوف من ضربي لاختها او انها مافهمت وش اقصد ..؟؟؟ وبعدها بنتي الكبيرة نامت وهي تبكي واشوف وجهها فية علامات ضربي خطوط حمراء وربي من القهر والحرقة اللي فيني ما ابغى بنتي كذا وابغاها احسن البنات بس من قهري وفشيلتي معاد تمالكت نفسي ....
وطول البارح وانا نفسيتي تعبااااانة مرررة لاني ضربت بنتي وعلشان الكلام اللي صار .. ومانمت زين ابدا وصحيت وانا نفسيتي تعبانة ... الحين ابغى اي وحدة تقراء قصة بنتي تقولي اللي سويتة انا غلط وابغى الحل مع اللي سوته بنتي واللي صار مع بنت الجيران ومع الفشيلة اللي تفشلت فيها مع ام الجيران .... اهم شئ وش الحل مع بنتي اذا انها صدق مسوية هالحركات ؟؟؟؟؟ مع ان بنتي عمرها ما اختلطت مع احد او انها تختلط مع اولاد يسوون هالحركات ... وهل هذا طبيعي في هالسن ... او وشلون تكفووووووووووون مافية غيركم اشكي له همي بعد ربي ....

الكايده*** @alkaydh_7
عضوة نشيطة
هذا الموضوع مغلق.

يعني بعد الضرب والعذاب اللي في بنتك ايش تبغينا نسوي لك ؟؟
وأصلا كيف نشور عليك ؟؟
ياختي كيف طاوعك قلبك تسوي فيها كذا أنتي ماضربتيها عشان تعترف او تربيها لا أنتي لانك تفشلتي من جارتك حطيتي حرتك فيها مو كفايه جارتك ضربتها ؟؟
لو اخذتيها باسلوب ام حنونه وعاقله كان قلتي لها طيب وريني الحركه اللي قالت عليها بنت الجيران وخليها تسويها لك يمكن حركه عاديه وبنت الجيران تكلمت غلط او خافت من امهما
يمكن اصلا انو بنت الجيران كذابه وقالت لامها ويمكن امها عصبت وخافت البنت قالت اثبت على كذبتي
اعوذ بالله من الغضب وقسوة القلب
الله يهديك وبس
وأصلا كيف نشور عليك ؟؟
ياختي كيف طاوعك قلبك تسوي فيها كذا أنتي ماضربتيها عشان تعترف او تربيها لا أنتي لانك تفشلتي من جارتك حطيتي حرتك فيها مو كفايه جارتك ضربتها ؟؟
لو اخذتيها باسلوب ام حنونه وعاقله كان قلتي لها طيب وريني الحركه اللي قالت عليها بنت الجيران وخليها تسويها لك يمكن حركه عاديه وبنت الجيران تكلمت غلط او خافت من امهما
يمكن اصلا انو بنت الجيران كذابه وقالت لامها ويمكن امها عصبت وخافت البنت قالت اثبت على كذبتي
اعوذ بالله من الغضب وقسوة القلب
الله يهديك وبس

حراااااام تضربينها الضرب هذا طفله طفله طفله ما تدري واذا ام جيرانكم تقول ان بنتها جت وظهرها يعورها ؟؟؟؟؟
طيب اوك صدقتها بس أبى اسئلك هل بنتك لما طلعت على ظهرها بتعورها ،،،، لا مستحيل الشغلة اكييييد انها كانت تلعب معاها وطاااااحت عليها بقوة او قفزة عليها وام جيرانكم حللت الموضوع على مزاجها
اكسبي بنتك خليها صديقتك لا تخوفينها منك بعيدين ما رااااح تعلمك بشئ لو يصير اللى يصير معاها ما راح تقولك خوفا من ضربك لها
طيب اوك صدقتها بس أبى اسئلك هل بنتك لما طلعت على ظهرها بتعورها ،،،، لا مستحيل الشغلة اكييييد انها كانت تلعب معاها وطاااااحت عليها بقوة او قفزة عليها وام جيرانكم حللت الموضوع على مزاجها
اكسبي بنتك خليها صديقتك لا تخوفينها منك بعيدين ما رااااح تعلمك بشئ لو يصير اللى يصير معاها ما راح تقولك خوفا من ضربك لها

ياعمري صغيره ع الضرب الصراحه مامر عليا موضوع زي كدا بس كان جلستي معاه جلسه صارمه وعاقبتيها بسكوتك لاتزعلي نفسك استعيذي من الشيطان جارتك كبرت الموضوع امكن البنت ع نياتها والله العظيم بنتي عمرها 3 سنين سالوها اخواتي عني سوت حركه مرا موحلوة وعمرها ماشافت شي بس طلعت كدا وصرت مااذكرها بهالشي لوصرخت بتعاندني روحي احضنيها وفهميها

والله مدري وش أقول لك حبيبتي
وماودي أتعب نفسيتك أكثر لكن من جد انتي غلطتي بقوووووه من باب أولى انك أخذتيها على جنب ولحالكم وتكلمتي معاها بهدوء وحسستيها بالأمان عشان تصدق معك بالقول..وسواء سوتها أو لا ماتتعالج الامور بالضرب والعنف
نصيحه مني لك خيتو لاتتعامل معاها كذا مرة ثانيه أكسبي بنتك وتعاملي معها باللين والحزم بدون شده وعنف عشان لو غلطت مرة ثانيه تكوني أنتي ملجأها وتصدقك القول وماتكذب عليكي خوفا من الضرب
أحتويها حتى وان أخطأت وعنفيها وعاتبيها بمحبه مو بشراسه وازرعي بقلوب بناتك الأمان من ناحتيك عشان تكسبيهم صديقات لك أول مايخطأو أو يغلطو تكوني انتي ملاذهم
وماودي أتعب نفسيتك أكثر لكن من جد انتي غلطتي بقوووووه من باب أولى انك أخذتيها على جنب ولحالكم وتكلمتي معاها بهدوء وحسستيها بالأمان عشان تصدق معك بالقول..وسواء سوتها أو لا ماتتعالج الامور بالضرب والعنف
نصيحه مني لك خيتو لاتتعامل معاها كذا مرة ثانيه أكسبي بنتك وتعاملي معها باللين والحزم بدون شده وعنف عشان لو غلطت مرة ثانيه تكوني أنتي ملجأها وتصدقك القول وماتكذب عليكي خوفا من الضرب
أحتويها حتى وان أخطأت وعنفيها وعاتبيها بمحبه مو بشراسه وازرعي بقلوب بناتك الأمان من ناحتيك عشان تكسبيهم صديقات لك أول مايخطأو أو يغلطو تكوني انتي ملاذهم
الصفحة الأخيرة
بروح احاول اجيب لك الموضوع واجي