ذكرتيني بقصه اخوي من زمان وهو صغير
من اول يوم مدرسة رجع البيت خايف ومتلون لدرجه انه استفرغ في المدرسة
واتصلوا قالوا تعالوا خذوا ولدكم
استمر معه الخوف لمده سنتين اول سنة فصلناه والسنه الثانيه نفس المعاناه صار معه خوف من المدرسة وفصلناه لانه يمرض من الخوف الي هو حاسة
يعني درس متاخر بسبب الخوف من المدرسة
انقليها مدرسة أهلية اذا انتي قادره على هالشيء وريحي نفسك افصليها من الان لحتى تنسى الموضوع وتتهيأ للسنه الجديده في مدرسة جديده وتقدرين وقتها تحببينها بالمدرسه الأهلية داخلها وتقولين لها هاذي غير وكذا وكذا
انا ما اشوف في فايدة تخليها معلقه لا هي مكمله دراسه وفالحه فيها ولا انتي مرتاحه ومعذبه نفسك معاها كل يوم
انتبهي لها لان الخوف أحيانا يدمر الطفل
حسبي الله عليهم من معلمات
وياليت تكلمين المعلمة الي خوفتها وتحسسينها بالذنب بأي شكل حتى لو تبالغين في كلامك يمكن ضميرها يصحى
( قال ايش جيل هالايام مايخاف ) تفكر كل الأطفال نفس الشيء

خلاص مابقي شي على نهاية الترم
او انا منك اخليها تفصل هذه السنه والسنه الجايه ادخلها مدرسه ثانيه لو تكون خاصه مو مشكله حاااولي
شكل بنتك مادخلت روضه

لو عندك قدرة تدرسينها خاص افضل

خلاص ياختي مابقى شي وتخلص المدرسه حرام تفصلينها وكم شهر تدرس وزميلاتها يتركوها
والكسل بسبتك ليش من تجي ماتدرسينها حرام عليك تخلينها تفشل قدام الطالبات شدي الهمه ودرسي بنتك وحببيها بالمدرسه وقوي شخصيتها وخليها تمشي مع بنت ترتاح لها كسرت خاطري وربي البنت انتي السبب باللي هي فيه قويها ياختي