مشكلة بنتي والنوم بسريرها

الأمومة والطفل

السلام عليكم ورحمة الله
كيفكم ياحلوين

انا عندي مشكلة بنتي الله يحفظها
عمرها 3 سنوات ومتعودة من يوم ماكانت صغيرة تنام معانا بنفس الغرفه واحيان بنص السرير بيننا
ويوم كملت سنتين ونص سويت لها غرفتها بس مارضيت تنام فيها حاولنا بكل الطرق بالطيب بالقوة مانفع ابدا

والحين ماشاء الله كبرت لازم تنام بغرفتها
جمعت العابها كلها وحطيتها بالغرفه وحطيت لها عصيرات وكيك بالدولاب
وحاولت اخليها تحب غرفتها
ولي يومين احاول اخليها تنام بغرفتها وانام انا على الارض وتجلس تنقز فوق السرير وتناديني وتسأل هذا ايش ومن اشتراها و و و وانا اطنشها ما أرد عليها اقول لها هذا وقت النوم ماحد يتكلم واطنشها لين تنام من نفسها بعد ساعه تقريبا

ومشكلتها تخاف من الظلام واخلي النور شغال والباب مفتوح ونور الصاله شغال وتصحى من نومها وتجي غرفتنا وتنام بيننا
البارح 3 مرات تصحى من نومها وتجي عندي واخليها تنام لين تدخل في النومه واشيلها واحطها بسريرها

بس تعبت من هالموضوع لين متى
وكيف اخليها تتعود تنام بسريرها وتحبه وماتخلي احد ينام فيه

ساعدوني الله يسعدكم

ومشكورين مقدما
9
2K

يلزم عليك تسجيل الدخول أولًا لكتابة تعليق.

تسجيل دخول

الحاضر أحلي
الحاضر أحلي
لي رجعه ياقلبي لما افضي ولدي نفس بنتك وبديت احل المشكله رفع
(موية ورد)
(موية ورد)
الله يرفع مقدارك يالغلا

انتظرك
صاحبة السمو الفكري
انا كمان افكر اطلع بنتي من غرفتي بس معاي ولد عمره 4 شهور تنصحوني اطلعهم ومثل بنتك تحب تنام بيننا
hanw
hanw
رررررررررررررررفع نفس الحااااااااااااااااااااله
om.leen
om.leen
الغلط منك ماعودتيه بدري
انا بنتي نفس عمر بنتك بالضبط نهاية الشهر بتكمل ثلاث سنين
ومن كان عمرها سنه وهي تنام بغرفتها ماشاء الله لاقوة الا بالله
والدور بيجي للصغيره عمرها اربع شهور وبتلحق اختها ههههههههه