هو عندي حل واحد انكم كلكم تدعون بذا الدعاء عليها
اللهم اكفيناها بما شئت اللهم اشغلها ف نفسها ليل نهار

ربي يفرج همهااا

راي ام العنا مضبوط الي هذا اوله ينعاف تاليه بيتحكمون فيها عمرهم كله اعوذ بالله من الناس النكد

واضح ان المشكله فيكم انتوا

وشله داخلين بين البنت وزوجها واهله

انتوا عارفين من قبل انهم ملتزمين ليش تسوون اللي يضايقهم

تقولين سوينا شريط وسحبنا الموسيقى

طيب والصوت العالي اللي يرج بالقاعه وكلمات الأغاني إللي أكثرها فجور؟

ليش ما خبرتوهم انكم بتزفونها على شريط ؟

المصيبه انهم شرطوا عليكم من قبل وانتوا اللي مالتزمتوا

لاوبعد تقولين هي قويه لو إني مكانها باقع من طولي !!!!

تطيحين لاجل شريط ؟ واضح انكم نافخين راسها علشان يكبر الموضوع

المفروض من يوم قالوا لكم سكروا الشريط سكرتوه بدون ماتتطاولون عليهم

اللي سويتوه في الناس عيب ويلحقكم الغلط فيه

الأصل بالدين الضرب على الدفوف والأناشيد بالكلمات المباحه وبدون مكرفونات واصوات تهز الجدران

هذا من فعل الشيطان وماهو من السنه بشي

أعرف من زوجوا عيالهم في بيوتهم بعزايم بسيطه وضرب بالدفوف من الأهل نفسهم

وراحت العروس من بيت اهلها على بيت زوجها معززه مكرمه بدون قاعه وخرابيط

تجون انتم تشوهون علاقتكم باهل الزوج لاجل أغاني ؟

المفروض ان الإحترام يكون بيناتكم والعلاقه الطيبه

أنصحكم تطلعون من الموضوع وتتركون بنت اختكم بحالها وتبطلون نفخ في النار

بالنسبه للإعتذار ياليت زوجها هو اللي يهدي الوضع بيناتهم بدون مايكون فيه إعتذار

والمفروض انكم انتوا اللي تبادرون بالإصلاح وتحسين العلاقات بينكم وبينهم

حرام عليكم تفسدون بين البنت واهل زوجها لاجل شريط

وش هالزواج اللي بدايته تحدي وتطاول على أهل الزوج

أخت الزوج معها حق ليش إنك سبيتيها وياليت الإعتذار لها يكون منك إنتي

هذا إذا كنتي بجد تحبين بنت أختك وحريصه على سعادتها

أصلحكم الله

الحل اذا زوجها فتح الموضوع معاها

تقول له هالكلمتين وتقفل الموضوع ، خليه يستحي على دمه
تقوله ( من متى والرجال يتدخلون بتفاهات الحريم!!! )

اترك تفاهات الحريم للحريم انت رجال عيب تدخل بهالتفاهات


وبببببس انتهى الموضوع

ولو مهما صار تعتبر الموضوع انتهى من طرفها. لا عاد تتكلم فيه و لاتسمح لهم يتكلمون فيه

مايخرب البيوت الا قال وقيل و تدخلات بين الزوجين

عجييب!! ينخرب بيت البنت كله عشان ماعتذرت لأخته!! سلامات و على ايش تعتذر !!!

قال ايش قال خالتها سبت اخته، !! و ليه اخته ماتعتذر لخالة العروس!!!