مشكلة بنت خالتي العجيبه 🙁

السلام عليكم يابنات بقول لكم مشكلة بنت خالتي كانت مطلقه وعندها ولد عمره ٧ سنوات وجاء لها رجال كفو ماشاء لله عليه اثث البيت بأثاث حلو والعرس كان احلى عرس بس اليوم الثاني من الزواج رحت اودي لها اشياء هي طلبتهم مني ولما رحت لها شفت العجب والعجاب 😯😯😯
إلا والأخت تبكي وتبكي وتبكي اشفيكي قالت انا ماني مقتنعه بهاذا الرجال ومابدي ياه ووووو
قلت ايه المشكله 🤔
قالت والله حتى انا ماادري ايش أصابني 😓
وتبكي وتبكي وتبكي وكلمت امها وابوها وأخوتها وقالت لهم 😕
مع انها هم اللي اتفقو مع بعض والتجهيزات كانت تحت طلبها اللي تطلبه يصير 😊
وكانت مقتنعه فيه جدا جدا جدا ولو تشوفو كيف كانت فرحانه وانقلبت فجأه بعد الليله الأولى
الحين هي وزوجها مستقرين بس اتفقو بعد شهر يتطلقو بس هم الحين كإخوه في البيت مو كزوجين ومعيشها بنعيم وولدها فرحان بالبيت وهي مصره على رأيها لو تشوف ردود من ذوي الحكمه امكن تغير رأيها
بس الرجال قاعد يقول مافي شيء يستمر بالغصب قال سوي اللي تشوفيه صح وربنا يعوضنا هو ماشاء لله عليه رجال دين
ان شاء الله بوريها ردودكم واتمنى من الحكيمات الردود الجميله في امان الله 😊