ChooCoolate @choocoolate

محررة فضية

مشكلة بنت عمي مو زي اي مشكلة ...

.. مرحبا لكل من دخل الموضوع وياليت تعطوني رايكم بالمشكله كلها والي ماعندها رأي ياليت بدعوه للمسكينه تكسبون فيها اجر وثواب ..
.. لي بنت عم كتب لها ربي وتزوجت من شخص قريب مننا بس مو مره بس يعني من الحموله ,, يوم تتزوج وعمرها ماكملت 18 سنه وتزوجته وهو شخص متعدي الثلاثين بسنوات غير هذا كان متزوج بنت عمه لزم ولا توفقو بعد سنه زواج وبعدها تزوج بنت عمي بقولكم الصراحه اساسآ البنت ماكانت مقتنعه فيه نهائيآ بس عمي فيه ميزه مهيب كويسه ابد البنت يبيها تاخذ من حمولتها وبس يعني نلس ثانين يخطبون منه تقابل خطبتهم بالرفض طبعآ حن عليها ابوها لين اقنعها فيه واقتنعت مع ان فارق العمر يفوق 16 سنه واتملكت شافت منه مايخليها الف مره تفك الملاك وتبتعد عنه بس ابوها يقوم بالصلح لهم ولا احد ثاني ويرجعون وتزوجت رابع يوم من الزواج قررت نهائيآ تتركه شافت منه شي ورفضت تقوله لكل الناس حتى اقربهم لها وبعد اهله اصلحو الموضوع ورجعوهم وخلوهم يسافرون ( مع انه كان رافض السفر لانه كان حاس انه مارح تستمر معاه هالبنت) المهم وهذا الحال بيوم من الايام اتصلت على شيخ وقالت له كل شي من الى وقالت نفسي ماتطيقه واني مااقدر اعطيه حق الله لاني مااطيقه قالها خلاص انفصلي منه دام هذا الي تشوفينه وطلبت الطلاق وبهذلها وبهذل حياتها ماعطاها وسط ناس وسو اشياء غريبه يوم يكون يبيها وشاريها ويوم بايعها بقرش ويتكلم بادق الامور بين الزوج وزوجته ( لدرجة مره اخوي مسكه على جنب وقاله ترا الي تتكلم فيه حرام بس اذن من طين واذن من عجين ) المهم بمساعدات كثيره طلق الرجال بعد مايعادل خمس شهور معلقه البنت بعد ماطلقها نفسيتها شوي تعبت زي اي وحده يحصل لها هالظرف حتى لو بايعه الرجل شاف عمي حالها كذا شالها وسافرو لندن يغيرون جوو ارتاحت هناك وانببسطت الحين احنا حضرنا كم اجتماع وكانو اهله موجودين يعني كانهم مايشوفونا شي ماهمنا هالموضوع لاننا نعرف من الظالم والمظلوم بس الي قهرني ورفع ضغطي وحده تقرب لهم جايه تقولي صحيح بنت عمك طلقها رجلها علشان كذا وكذا وكذا ؟؟ ماتصدقون ساعتها يوم سمعت الي تقوله لميت راسي من الكلام معقوله فيه انسان ملتزم او يدعي الالتزم كذا يقول عن وحده عاشرها وتمنيت ان الكلام صحيح الا كذب وهالشي نشهده بعيونا سكت وقلت حسبي الله ونعم الوكيل فيهم ومشينا السالفه ولا قلنا للمسكينه عن شي وهم يتكلمون رجعت ودخلت الجامعه وارتاح حالها بس مو تاركها ياناس مع انه تزوج وشاف نصيبه بس كل مازعلت زوجته جا ينكد على بنت عمي ويتكلم بعرضها وبدينا نعرف اذا مبسوط اليوم من زوجته ولالا من كلامه عنها والادهي من كذا الام وولدها وخواته وقريباته كلهم ماعندهم سالفه الا هالضعيفه مع انها يوم احد ينشدها عن الانفصال تقول ( قريبي ولحمي ودمي وماصر بيننا اتفاق) يعني هي تمشي وتدعي له وهو يمشي ويفضح بها بكل ماتتخيلون ويخطر على بالكم شي بحياتهم وشي خارج حياتهم بالله علموني وش ينفع مع هالاوادم بتقلون بينساها اذا تزوج الحين هو متزوج وكل مازعلت المدام رجع للبنت وضيق عليها انخطبت مرتين وشم خبر من بعيد وحاس الدنيا كلها باختصار مايبيها تتوفق ابد لا هو ولا اهله الله لا يوفقهم ولا يسامحهم تكفون عطونا حل للعالن التعبانه ولا لو دعوه للمسكينه عسى ربي أثرها عليهم يارب عاجلآ غير اجل ونصرها ويظهر الحق ياكريم :44: ..
.. دعواتـــكم ربي يفرج الهم عنها وعن كل مسلم ..

يلزم عليك تسجيل الدخول أولًا لكتابة تعليق.

تسجيل دخول

ام شــــوق • 20 سنة

حتى الإنفصال ما نفع معاه والرجال اللي يمشي ورا أهله بالطريقه هذي فالله يخلف عليه وما عنده عزة نفس يا خي عيب عليك تدخل في وحده ماهي حليلتك وانت متزوج هذا بصراحه مافيه أخلاق والله بالخير وأهله بعد ناس حاقدين ما يؤمنون بالنصيب ويحمدون ربهم وهو بعد انها ما فضحت فيه لأنها ما قالت وش شافت منه لأنه محترمه وعاقله فأنا من رايي إن حد من أخوان البنت أو أبوها يكلمون هارجال الخايب ويعلمونه الأدب وأهله ما يبيلهم الا القوه يعني خلوهم يخافون منكم ويكون في منكم كم شخص قوي رادع لهم ويخوفهم .

والله يعينها ويهديه

صمت الجروح • 20 سنة

لاحول ولا قوة إلا بالله...وربي ضاق صدري عليها ....حسبي الله على من ظلمها....وذبل زهرة شبابها:26: وشوه سمعتها :( الله يعوضها بخير منه ويوفقها والله على الظالم والمفتري

متفائلة2 • 20 سنة

السلام عليكم
اختي ChooCoolate
اولا تحية على هذه المروة تجاه بنت عمك
وبودي انبهك ولوك اعرف مني <<< جل من لا يسهو
نعتك له ولعائلته شيء مايجوز الله يحفظك ...
او تبين لهم الاجر؟؟؟؟؟؟
المعذرة عموما
اختي الله يكون في عونها ويسترها بالدنيا والاخره
الله يرزقها بالزوج الصالح وتقرعينها به ويرزقها الذريه الصالحه بجو كله وئام << اااااااامين

اما بخصوص الكلام ياما النا س تتكلم "الله لا يبلانا بما بلاهم" ناسين عقوبة " الغيبة" ادري شيء يقهر بس مالكم احسن من -احتسبوا الاجراولا..... وثانيا مو معقول بيقدر الواحد يسكت الناس .... الا اذا كان الكلام بالوجه...

ملاحظة : شيء طيب انكم ماتوصلوا هالكلام لها... وردك على تلك الجاهله بفضوليتها ... حلو مررررررره

امامن ناحية المضايقات من زوجها السابق....... الله يهد يه
وعلى مافهمت انه موقريب للعائله مره..... فكيف يجي يضايقه !!!!!!!
عموما اين كانت طريقة المضايقة.... المهم انهاتكون ثابته عليه .... اقصد انه هو شخصيامن يقوم بالمضايقة مو كلا م احد ...

فاذا كانت تصد ر منه ... فما اشوف حل انسب من ان والدها او احد اخوانها ..... اوابن عمها.... يذهب ويكلمه بالحسنى .....
ويبلغه انكم لا تريدوا المشاكل وجاين بالحسنى ....... وان لم يكف عن اذاها بيصير مالا تحمد عقباه.....

اللهم اجرها في مصيبتها وعضها بخير منها

ولك بالغ الا سف اذا كنت تسببت بمضايقة

استغفرك اللهم واتوب لك اللهم اغفري

مشاعل • 20 سنة

خليها هي وعيلتها تطنشه لأن نااس مثل هذولا مريضه مالها علاج ومايقدر عليها الا ربي 00

زهرة الياسمين • 20 سنة

ما ضر السماء نباح الكلاب ....

وخلي بنت عمك تطنش ... وتنتبه لمستقبلها ودراستها .....

واذا طليقها وأهلة أستمروا على هذا الحال فما لهم الا التهديد ....

وأهم شي الدعاء ...

أتمنى لها التوفيق ......:26: