مشكلة بيت الجد

السلام عليكم
أنا بصراحة مادخلت عالم حواء إلا علشان هذا الموضوع :)
انا خاله وعمه والمشكلة في خواتي وخواني المتزوجين كلما ارادو الخروج رموا عيالهم في هالبيت(يعني بيتنا ) وطلعوا واذا قلنا مانبي عيالكم يقولون انتوا اهلهم يعني وين نوديهم
واذا قلت خذوهم معكم قالوا احنا بنروح المستشفى مو متاخرين. ويمر الوقت والعيال ازعاج ولعب وهواش غير طلبات العيال الي ماتخلص الي جوعان واللي يلزمه رضاعه واكرة شي لما يصيح طفل وماتدري وش فية ولما ندق عليهم الجوال يقولون احنا طلعنا من المستشفى ورحنا السوبر ماركت والحين جايين وننتظر اكثر ويدخلون علينا وهم يضحكون ويقولون عسا بس مازعجوكم العيال؟:angry2:
طبعا مش بس اذا كانوا بروحون المستشفى حتى احيانا المطاعم والعروس والاسواق اما اذا كانو في بيوتهم ارسلوهم عندنا لئنا قراب من بعضنا يعني المسافة مشي .
تصدقون ان حتى في ايام الأختبارات النهائية احيانا يخلون اعيالهم.
أكيد ان للموضوع بقية يعرفها كل من كانت عمة وخالة