مشكلة تؤرقني كل شهر...

السلام عليكم بنات حواء...

ما عرفت وين أحط الموضوع فقلت بحطه في هذا القسم لاني حسيت انه القسم المناسب...

بنات مشكلتي هي في الدورة ...يوم تجي لي والله احس اني بموت روحي بتطلع من جسمي وبتفارقه...

اليوم الي تجي لي انسي اني اقدر اسوي شيء خلاص ...اعتبر اليوم محذوف من قائمة الأيام الي اشتغل فيها...

قبل الزواج مرة رحت المستشفى علما اني لا اذهب للمستشفيات عندما تأتينا وقد اخبرتني الممرضة ان الألم سيزول بمجرد الزواج...والله من سمعتها يوم كانت تجي لي واتعذب كنت أقول وين ولد الحلال بسه متى بيقعد ومابيخطبني..

وألحين متزوجة وقلت بفتك منها...بصراحة مازلت اتعذب...
مرات تجي لي وما احس بآلام حتى اشك فيها اقول اكيد اليوم الي بعده بتعورني..شوفي من كثر ما تعودت على انها يوم تجي تجيب معاها آلام المعدة والظهر..

بصراحة آخر مرة جت لي عذبتني...مت حسيت عمري بموت خلاص...وتمت خاصرتي تعورني لليوم الثاني..حتى حسيت من شدة الألم ان جسمي تأثر وتضرر...

بنات ...ساعدوني..

زوجي حتى سألني لو اشتغلتي شو بتسوين...والله انا احسب اليوم الي بتييي فيه واقعد احاتي قبلها بأسبوع...اخاف تجي لي وانا عندي امتحان أو شغلة لازم اسويها...

قولوا لي شو اسوي علشان ازيل الألم..أو حتى اخفف منه..

بصراحة وحدة قالت لي يوم بتحملين وبتربين بيخف الألم...

بصراحة اتمنى احمل واتعذب بالوحام وآلام الولادة ولا اتعذب بالعادة الشهرية..اتمنى احمل كل شهر ولا اتعذب بها...

بنات ساعدوني ربي يفرج عنكم همومكم ويسهل عليكم طريقكم..