مشكلة تانية ثانوي في 27

السلام عليكم و رحمة الله و بركاته

كيفكم يا اخوات

ان شالله كلكم طيبين و بصحة و عافية

ابغى اقلكم عن مشكلتي انا و صحباتي و ارجو انكم تدعولنا

احنا سنة تانية ثانوي من الثانوية 27 في جدة و اللي اطبق فيها النظام الجديد اللي زي حق الجامعات و المعدل التراكمي و كدة
طبعا هوا لسنة اولى يعني مو احنا
فالسنة الجاية سنة اولى حيسيرو تانية و يجو سنة اولى جداد و المدرسة ما تكفي لانهم يبغو يسوو زي الجامعات انو كل معلمة في فصل و البنات يجوها
و دا كلو جا على راس مين... جا على راسنا احنا سنة تانية المساكين الي السنة الجاية حنسير تالتة و يبغو يخرجونا من المدرسة و يفرقونا
طبعا انتو عارفين انو سنة تالتة اهم سنة و اهم شي النفسية يعني لازم نكون مرتاحين في المدرسة و متعودين على المعلمات و طريقتهم يعني مو معقولة اخر سنة لينا في الدراسة ينقلونا و يلخبطونا و يفرقونا
قلنا انا و صحباتي نروح 35 لانها ممتازة بس المشكلة انها صغيرة و ما تقبل اجانب و صحباتي الكويسين الطيبين كلهم اجانب
و الله احنا مرة مقهورييييييييين و حنسوي مظاهرة يوم السبت :p
و مرة زعلانين و الابلات يقولولنا ادعو انهم ما ينقلوكم
ادعولنا انتو كمان تراها اخر سنة و اهم سنة و انا ان شالله ابغى ادخل طب يعني لاااااازم في مدرستي
و اللي تعرف احد في الرئاسة يا ريت تناقش الموضوع دا معاه
و اسفة لاني طولت عليكم بس من قهري و خوفي و الله
شكرا