انا اشوف انج اتقولين له انج ماتحبين تطلعين معاه بدون زينه وانج رايحه بيت هله مو مكان عام<<<<<<<<<اذا تبين تقنعينه

السلام عليكم يحق لك تفرحين غاليتي

لأنه لوماكان يغار عليك ويبغى يصونك ماحرص على حجابك ومظهرك

وأنتي ملك له وحلااله ومالازم احد يشوف زينتك غيرة وهذي وصايا الشرع قبل ماتكون رغبته

والله يوفقكم:26:

أختي الكريمة .. كارهة الجريمة.. ولا أستطيع مناداتك بالجريمة :27:
أولا : احمدي ربك إن خطيبك بيغير عليك.. وبيخاف عليك.. واسألي نفسك سؤال بسيط .. هل هو يتسلط عليك في الأكل والشرب والكلام ووو؟؟ أم أن الأمر يقتصر على مسألة اللباس والزينة .. ومن كلامك يبدو أنه يركز على الجانب الثاني فقط.. ولهذا لا نستطيع أن نسميه متسلطا أو متحكما
وإنما هو .. متدين.. محب .. غيور.. بيخاف عليك من العين
وهذه كلها أشياء رائعة تتمناها كل امرأة في رفيق دربها .. وفقك الله وأسعدك

فلا تعانديه غاليتي .. على العكس أزرعي فيه الثقة فيك وحسسيه إنك طوع أمره.. وبأسلوب ظريف ولطيف تستطيعين أن تقنعيه بأن هناك أمور لا بأس بها.. ليس بالعناد وإنما بالحب

** وثانيا : بالنسبة لأمر الماكياج فهو هين جدا.. أصلا الرجال لا يعرفون إذا ما كانت المرأة واضعة كريم أساس وبودرة وكونسيلر أم لا........
وهذه مرحلة في الماكياج تعطيك وضاءة وجمالا وفي نفس الوقت لا تكون ملفتة بالشكل الذي يضايقه ويشعره ويشعر الاخرين إنك مبالغة .. وهو أدرى بأهله.. أليس كذلك؟؟

وكذلك وضع الخفيف من البلاشر .. ولا داعي لروج وآي شادو.. يكفي الكحل الناعم..وزبدة كاكاو مثلا أو تحديد خفيف..

المهم إنك لا تصعدي معه وتشعريه أنك تعانديه في أمر يمكنك التغلب عليه بسلاسة ويسر.. أما إذا كان يتسلط في كل أمر بدون سبب مقنع.. فهذا أمر آخر

مشكورات اخواتي على تفاعلكم الحلو ..

طعنة غدر .. مشكورة غاليتي ..:26:

أسرار الشرق ..
تسلمي لي ..
بس أنا قلت قبل إني وحدة محافظة و أخاف ربي ,,
و مستحيل اتبرج و اروح مكان عام بمكياج ! هو يغار عليي صحيح ، بس أحياناً يقول لي حتى بدون سبب مقنع مثل هذا الموقف !! أنا رايحة بيت هله .,. و باجلس مع حماتي و خواته .. فليش يقول لي امسح مكياجي !وهو عارف اساسا إني ما بحب أروح بيتهم بدون ما اكشخ .. بس ما ادري أحيانا شنو يطري عليه !:09:
مشكورة حبيبتي ..:26:


الغالية درة النور ..
يسلم لي هالكلام والله .. بس حقيقةً ، أنا أحياناً ألاحظ أن حتى في بعض الأمور الا ما تتعلق باللبس يتحكم .. يعني مثلاً لا تشوفين تلفزيون .. لا تشوفين مسلسلات ، لا تدخلين هالمواقع .. يعني حتى احيانا مواقع انا اشوفها مفيدة بس هو ما تعجبه .. وهو في الأساس دايم يجيب أفلام مشان يشوفها معاي ! بس و أنا والله اطيعه قد ما أقدر .. حتى بموضوع اللبس .. كثير من صديقاتي يقولوا لي ليش ما تلبسي كذا و كذا .. أقولهم ما يعجب خطيبي هاللبس :11: طبعاً أنا ما أقولهم على سبيل الانتقاد له .. أبداً .. بالعكس اقولها لهم و اني أضحك يعني كأنها مزحة .. لاني لو أموت مستحيل انتقده جدام أحد .. وهذي أول مرة بحياتي أفرغ إلا بقلبي ..
أموت فيه شسوي !:08:

و بعد أحياناً لما يجلس مع اخوي و انا معاهم و اتكلم ، يتضايق .. اذا صرنا لوحدنا يقول لي لا تتكلمين لما نكون مع احد رجال هلج :(
أنا أستغرب و انقهر في وقت واحد .. فأحياناً أسكت عنه و أحياناً أقوله اني بتكلم لاني ما اشوف فيها حاجة :confused:

يعني أوقات كثيرة أحس أنه متسلط و دايم اقوله انه دكتاتوري .. لانه فعلا يمشي الا براسه و بس ، و أنا هذا الشي شكثر يضايقني .. بس أتحمل و أتصبر .. فما باليد غير الصبر .. و دايا أقول ان شاءالله بس تتغير هالصفة إلا فيه ..

و بالنسبة إذا لما أحط لي مكياج هو يكون معاي فيشوفني و أنا بحط المكياج .. شلون ما بيعرف !! و أنا أساساً احط دايما مكياج ناعم ,, وهو من الرجال الا يعرفون لما زوجاتهم حاطين مكياج او لا!! لأنه يركز فيني كثير لما يطالعني .. :27:

مشكورات أخواتي العزيزات :26: