مشكلة جاتني على الخاص لزوجة تعاني من زوجها دخلو وشوفو

وحدة عندها مشكله طبعا انا مااعرفها ولا شي بس طلبت مني برساله على الخاص احط مشكلتها وتبي منكم الحل والاراء الفاهمه السديدة...




هذا قصتها..

انا صار لي سنه واشوي من تزوجت وعندي
بنت .. وزوجي جاف بشكل مو طبيعي.. وعلاقتي معاه رسميه

كأني اتعامل مع مديرة مدرسه.. اول مايدخل مايسلم ولا يطالع فيني
ابد ,, يدخل يغير ملابس العمل.. ويجلس قدام التلفزيون.. ولا يتكلم اذا سئلته
عن اي شي وبالموت يرد.. حاولت بكل الطرق اغيره.. لكن مافي فايده

المهم انا تعبت منه وقلبي مو متحمل ..
دايما امزح معاه واسولف واضحك .. اذا الجدار رد هو بيرد

من كم يوم حسيت بضغط مو طبيعي.. قلت له اشرايك نطلع

ولا رد .. ولا عطاني وجه.. حسيت نفسي خلاص بنفجر
وجلست اصيح واااصيح .. مت صياح ..قلت له خلاص تعبت من معاملتك ..
مافيني صبر كلش ..

قال لي اذا مو عاجبك ..بيت اهلك موجود ..

حسيت هالكلمه مثل الجبل على قلبي.. وبدات اجهز اغراضي
بروح بيت اهلي ..كلمت اخوي قال لاتستعجلين..

وهو يطلع ويدخل ولا كأنه شايفني.. والمشكله بيت اهلي مااافيه مكان كلش..

فحبيت استشيركم... هذا قصه بسيطه من القصص اللي تصير مع هالرجل