السلام عليكم ورحمة الله وبركاتة
على طول باقولكم مشكلتي وهذي اول مشاركة لي بهذا القسم تكفون لاتخيبون ظني فيكم ردوا عليه ووش تنصحوني فيه مشكلتي قبل سنة كان عندزوجي واحد من الجيران في المجلس يسولفون وانا كانت بالمقلط اكوي ملابس زوجي والمقلط مو بعيد عن المجلس والابواب كانت مفتوحة والرجل يسولف مع زوجي وانا اكوي والله مو في بالي اسمع بس بحكم ان اصواتهم تصليني عشااااني قريبه منهم وسمعت زوجي يقول للرجل يعني يسولف له ((كنت جالس انا وياه بالمجلس والابواب مسكره وفجئه دخلت علينا وانا والله طاح وجهي)) المشكله ان بنتي الصغيرة بكت ورحت لها ولما جيت كانوا يسلفون بشئ ثاني انا صاري سنة ياااااارب منهي ؟؟؟وش كانت تبي؟؟؟ ومنهو اللي كان زوجي عنده؟؟؟ انا قلت لنفسي لو قلت لزوجي بيقول انتي تجسسين علي وصعب تفهمين الرجال وقعدت في حيرة صار لي سنة قلت لبنت خالتي قالت لمحي له قولي له قد ادخلت عليك مرة اجنبيه عنك ومن هالكلام يمكن يعلمك ويريحك مااادري عاد اقوله ولا لا والله والله محتاره خاصة وزوجي كثيرة طلعات مع العلم انه متزوجين من زمان يالله قولوالي وش السوات
"سكون الليل" @quotskon_allylquot
عضوة جديدة
يلزم عليك تسجيل الدخول أولًا لكتابة تعليق.
يمكن وحده من اقارب صديقه دخلت بالغلط عليهم في المجلس لانه يقول يوم شفتها طاح وجهي والله اعلم
يختي تعوذي من ابليس ولاتكبرين السالفه الي لها سنه ومن كلامه دخلت بالغلط لانه يقول طاح وجهي يعني لاتدققين
ترا ذا الشيطان يبي يخرب بيتك لاتفكرين اكثر ياقلبو ترا ابليس له خطوات واكبر دليل يوسف واخوته الي قطوه في البير
عيشي حياتك براحه ونسي السالفه ولاتجيبين له طاري ابد
الله يوفقك ويسخره لك
ترا ذا الشيطان يبي يخرب بيتك لاتفكرين اكثر ياقلبو ترا ابليس له خطوات واكبر دليل يوسف واخوته الي قطوه في البير
عيشي حياتك براحه ونسي السالفه ولاتجيبين له طاري ابد
الله يوفقك ويسخره لك
ماادري لكن اعتقد هالسالفة كثييرة ويمكن الرجل قاعد يسولف عن موقف محرج واجهه بحياته يعني يتندرون بالقصص عبارة عن سواليف مااعتقد تعني شئ مهم
الصفحة الأخيرة
ويبعدكم عن عيال الحرام