مشكلة جــارتي الغــالية على قلبي😔😔الحكيمة تدخل

الــسلام عليكم ومساكم الله بالخير..بدخل على طول في السالفه..أنا عندي جـاره طيبه وحبوبه وقلبها نظيف أحس النوعيه ذي أنقرضت من زمـان..
هي مثلي ساكنه في منطقه بعيد عن أهلها وتعرفت عليها في جمعه من الجمعات صراحه ونيسه وسوالفها حلوووه ماشاءالله عليها،بس الحلو مايكمل عندها زوج مدري وش نوعه من الناس المرأه عنده مالها أي قيمه بس قدرها في الفراش..سوري على الكلمة هي مسكينه ماتشتكي بس أنا أشوفها لاجات الجمعه قاعده على أعصابها وماتطول يادوب تقعد ربع ساعه وتمشي..المـهم جاء يوم ودقت علي وقالت لي ياأم فلان وش لي منس قلت عيوني أبشري بلي تبين قالت خلاص لاطلع زوجك دقي علي وأجيك عشان ناخذ راحتنا قلت خلاص..طلع زوجي وع طول أتصل عليها وتجي أنا توقعت محتاجه فلوس..بس يوم جات قعدت وتسولف بس أنا كنت مش مرتاحه كلش وجها تعبان مره وخفت في نفسي كنت أقول ياربي ليكون فيها شي أقــسم باالله أني خفت أحسها مثل أختي..
قلت لها عسـى ماشر وش فيك بس أنا قلت كذا وتقعد تبكي من قلب قلبها أنا هنا تأكدت قلت المرأه شكل فيها مرض الله يحفظها..وتقعد تصيح ونا أهديها وهي كلش تبكي خليتها لين خلصت وأرتاحت قلت لها وش العلم تراس روعتيني والله رجيلي ترجف من الخوف بس مسويه نفسي قويه ونا خرطي..قالت هذا الرجال أنا تعبت منه وتحملت منه فوق طاقتي وصبرت على طبعه وقساوته وحكرته كل شي عنده عيب والمراه ماتنعطا وجه والمراه لازم الرجال تكون عينه عليها ولا تفلت مانعها من كل وسائل التواصل الأجتماعي لأنه المراه مش ثقه وأذا عصب يقول ألعن الكلمات ألي تمس وتجرح في القلب ويتعمد يقولها الكلام الجارح قلت لها يابنت الحلال وش تسوين كلهم كذا انتي أدعي الله وربي ماينساس شوفيني أنا طلعني من شغلي بس الشكوى لله.قالت أنا كل هذا مايهمني بس يمنع بنتي تروح معي للأهلي ليش وهو عارف أن أهلي مش قريب مني ماقدر أروح وأخلي بنتي لحالها.عندها بنت عمرها 12سنة بنت مثل العسل وتهبل مؤدبه تبارك الله..قلت يابنت الحلال باقي على الأجارة الكبيرة ماتدرين الله يغير من حال لحال قالت أجازة المنتصف مارحتي عشان كذا ماقدرت أروح وأخليها لحالها تقول البنت لما سمعت أبوها يقول كذا قعدت تبكي وخافت تقولي عورت قلبي..تدرون وش السبب يقول عيب البنت تروح البيت فيه عيال تقول بيت أبوي قال لا فيه ولد أخوك في سادس أبتدائي وتقول حاولت معه مش راضي ويقولها مستحيل تروح خلاص وسكري الموضوع..أنا صراحه ماعرفت وش أقول لها قعدت أهديهاوأسولف معها عشان أطلعهامن هاالجو الكئيب..وقلت لها أدعي الله وأشتكي لها كل ماحسيتي بضيق،وحسبي اللهونعم الوكيل على كل أنسان مايخاف الله وش هالقلوب القاسيه..
أبي أسمع رأي وحده حكيمه وش تسوي في هاالحاله ورجاء أبغى ردود عقلانيه وأسفه على الأطاله بس والله متضايقه عشانها🌹