(انا من زمان اجرب طريقه لتخفيف العرق الزايد لاني الله لايوريكم اعاني من غزاره غير طبيعيه
حتى باوقات الشتاء وخاصه بمنطقه الابط واعاني من اختيار الملابس لاني موظفه فمستحيل اشتري اقطان او الوان تظهر لون العرق --
الصراحه انا مااعاني من الريحه اقدر عليها مع المزيلات بس العرق نفسه هو اللي مبهذلني

فرحت السنه اللي فاتت وكنا على اواخر الشتاء لدكتور جلديه وشكيت له همي وقالي انا

انصحك بالحقن لانها هي الحل الوحيد وكل 8 شهور تجين واسويها لك لكن هالحين
احنا لسه مادخل الصيف واحسن اسويها مع دخول الصيف كل سنه
وفي الشتاء تقدرين تمشين حالك مع هالطريقه لان العرق مايكون كثير مره
واعطاني الوصفه اللي هي-------------اخذ كم حبه شبه او ملعقه منها اذا هي
مطحونه واحطها بعلبه مويه صحه صغيره من الليل واذا قمت الصباح
قبل ماروح الدوام ارش منها على ابطي واتركه ينشف من نفسه
وانا صرت ارش اوابلل منديل منها وانا بالغرفه واتركه ينشف
على بال مااسوي شعري يكون نشف والبس ملابسي
اول مررررررره ماراح تحسين بفرق واضح لكن مع المداومه راح تكونين
اكثر ثقه بنفسك والبسي على راحتك وعلى فكره العلبه تقعد معي 3 ايام
وبعدين اكبها واغير المويه ومفعولها يقعد من 6 الى 8 ساعات باليوم
وانا مااحتاجها الا وقت الدوام وكل صباح اسويها ---
اتمنى اني اكون افدتكم واتمنى منكم انكم تدعون
لوالدي بالرحمه والمغفره وشكراااااا

أختك ..ليلاس الحلوة ..)

هذا منقول من المنتدى وللامانة انا لسه ماجربته

في وحده ذكرت الريحان يفرك على المنطقه اسبوع واذا لزم الامر يكرر اكثر من اسبوع والله هاذي مشكلتي وبجرب الريحان

انا بالنسبه لي احط قطن عل ى شكل مربع قد الابط والفه بشاشه على ايديني واربطه من عند الكتف والحمد لله احسن اني مرتحه
صحيح متعبه بس من يحب الزين مايقول اح

انا كنت اعاني من نفس المشكله
بس بعدها استخدمت دراي كلور..نفس الي في الصوره...كنت احطه في الليل واغسله الصبح..كان يسبب حكه شوي بس من اغسله تروووح...ومررره كنت مبسوطه من النتيجه ومرتاااحه نفسيا..صرت البس كل الألوااان ولا اخجل
بس بعد فتره دورته وقالوا لي انه انقطع ومررره تعبت نفسيا
الاااا ان صااار عندنا صيدليه تسوي نفس التركيبه
ومن يومها وانا استخدم التركيبه...نفس المفعول ونفس النتيجه...مااستخدمها الا بين فتره وفتره..اذا حسيت بدت ترطب المنطقه..مرات كل شهر مرات كل شهرين
لقيت التركيبه في صيدلية الداوء في الخبر...واتوقع هالصيدليه مالها فروع الا بالشرقيه
بس مايمنع انكم تسئلون الصيدليات اذا يوفرون لكم التركيبه

أشكر كل من رد عليّ
واتضح أنها مشكلة الكثير الله يعين