-***مشكلة حياتي حريم أخوان زوجي***-

حبيباتي بنات عالم حواء يعلم الله ان هذه المشكلة هي من اهم المشاكل اللي نكدت علي في حياتي
و ابي منكم مساعدتي في حلها بالحلول المناسبة و خاصة من تجاربكم:(
مشكلتي هي ان اخوان زوجي خمسة متزوجين و غالب حريمهم يحاولون يطلعون لزوجي او حد اخوانه يعني اني بالغلط و يدرعمون للمكان يعني اني ما ني قاصدة - و بعضهم اذا اجتمعنا تلبس لبس فاصخ و تروح و تجي في البيت و كأن مافيه احد -و تحاول ترفع صوتها لما تنادي عيالها او تسولف عشان يسمعونها الرجال -
هذا غير اذا طلعنا نتمشى تحاول اكبر قدر من الرجال يشوفها وهي حاطة كل مكياج الارض بوجهها وهذا غير البراقع و العبايات المخصرة و البناطيل -
و تطول السالفة و لكن كرهت هذه المناظر الخبيثة و خاصة و الله الشاهد ان بعضهم زوجها طيب و حبيب و مو مقصر عليها بشي بالعكس مدلعها.