مشكلة خاصة جداااااا-- ارجوا المساعدة

:icon33: يا اخواتي انا في مشكلة خاصة جدا وارجو منكم مساعدتي في حلها بس يارب يسع صدركم لي لسردها لاني بصراحة مش عارفة اتكلم مع مين والموضوع خاص جدا وحساس

يا اخواتي انا اتجوزت من ثلاث سنوات تقريبا اتجوزت جواز صالونات يعني لم احب زوجي قبل الزواج بس انا توسمت فية انة راجل عاقل وطيب ويقدر الحياة الزوجية وبعدين في بداية الزواج لم اشعر باي شغف لزوجي علي يعني في المسائل الحميمه عندة استعداد يقعد بالشهر بعيد ولا يسال وبعدين انا كنت بفكر هو فية ايه يمكن تعبان من الشغل يمكن عندة مشاكل لازم استحمل الحياة كلها مشاكل وبعدين لقيت انه حياتي معاة جافة جدا جدا لا كلمة حب لا همسة لا لمسة لا حنو ولا اي حاجة حتي الموضوع الخاص بين الزوجين لازم انا اعمل حركات وابينلة اني محتاجالة لولا يتحرك ويقعد بالاسابيع عادي يعني مرة سالته اية المشكلة انت مش بتحبني ولا اية يرد عليا ويقول مش كل الرجالة بتعرف عن حبهم وبعدين يا اخواتي انا امراه عاملة وهو بيخلص شغلة قبلي وبيروح البيت قلت طيب ماهو بيرتاح طيب اية المشكلة بقي :icon33:

هو بيقولي انك لازم تلبسي وتتعطري وتكوني مهياة للموضوع دة علشان انا بحب كدا طيب لما بتهيء وبلبس واقعد استني ولا حياة لمن تنادي وبعدين انا اعرف ان الموضوع دة غريزة في الانسان مش مرطبطة باي وقت او شكل وعلي العموم رحت ظبطت نفسي في الصالون وقعدت امامة اسبوعين بالظبط ولم يحدث شيء
بقيت انظف البيت كتير و :angry: واغسل المواعين المهم اهد نفسي علشان مفكرش في حاجة ومسالوش علي حاجة بعدين بدات احلم احلام غريبة مرطبطة بالموضوع دة انتو عارفين يا اخواتي مفيش داعي اشرح ودلوقتي بقيت عصبية جدا واتنرفز من اصغر حاجة ومعنديش طولة بال وبقيت نفسيتي بالمرة بحس اني عايزة اسيب الدنيا كلها وامشي :icon33: بس اعمل اية انا متجوزة من 3 سنين ولغاية دلوقتي معنديش اطفال ورحنا حللنا طلعت المشكلة عندي وعندة انا هرمون الحليب زيادة شوية وهو ضعف في الحيوانات المنوية وقلة حركة وعدد اقولة لازم نواظب عند دكتور علشان نخلف يقولي مش دلوقتي بعدين

طيب قولولي يا اخواتي اتصرف ازاي اعمل اية هو بيقولي انت ناقصك اية فية احسن اكل وشرب واحسن بيت انت ناقصك اية قولتله انا ناقصني اني احس اني متزوجة احس ان جوزي ملهوف عليا بيتقرب مني المفروض ان الستات هي الي يجري ورها زوجها في الموضوع دة مش العكس . انا نفسي احس اني مطلوبة من جوزي مرغوب فية مش بس بقوم بدور الخدامة الاكل والشرب والتنظيف والشغل وبس :angry:

قولولي اعمل اية معاة اطلب الطلاق واسيب بيتي الي انا بحبة واتعرض لقسوة المجتمع علي المطلقة وعيون الناس الي مبترحمش ولا اعيش مع زوجي وارضي بقدري ونصيبي زي ما هو واحتسبها عند ربنا
ساعات بقول يمكن لو عندي طفل كان الوضع اختلف كنت صبيت فية الحنية الي عندي بدل من جوزي بس ربنا ماردش اعمل اية انصحوني يا اخواتي :icon33:

بس فية حاجة تانية انا جوزي مش مخليني محتاجة حاجة موفرلي بيت كويس جدا وكل مصاريفي انا بشتغل وبشتريها من راتبي وكل الي بحتاجة بجيبة من مرتبي بس الاكل والبيت وكل حاجة هو بيدفعها يعني من ناحية البيت هو مش مقصر خالص بس بارد في مشاعرة جدا جدا وبخيل في عواطفة .