مشكلة خطيبة ولدي مشكله

الأسرة والمجتمع

السلام عليكم خواتي الحبيبات ودي استشيركم في موضوع مره محيرني وهوه ان ولدي عمره خمسه وعشرين سنه وخطبنا له بنت عمرها عشرين سنه والبنت هذي طيبه وحبيبه وعايشه عند عمتها مرت ابوها ومهي مرتاحه معاهم وامها عايشه مع زوجها في مدينه ثانيه المشكله ان البنت هذي مهمله نفسها الى درجه كبيره واللي يشوفها يقول عمرها ثلاثين سنه وشكلها قديم ما تعرف تلبس ولا تعرف تتمكيج وهيه في مدينه ثانيه غير مدينتنا يعني اقابلها بس في الافراح يعني الفرح المفروض الوحده اذا جات عرس تكون في ابهى حله وهيه العكس جايه مبهذله وحالتها حاله والله اني تفشلت من الناس ايش ذا الاهمال حواجب مشقره تشقير بطريقه غلط والشعر الطويل اللي كان مميزها يوم خطبناها قصته ووجهها كله شعر واضح ينشاف من بعيد ويدينها من فوق كلها تشققات لانها كانت سمينه ونحفت وزياده على كذا مو ذيك النظافه والمشكله عندها ثقه في نفسها زايده يعنى بعد الفرح خليت بنتي تقولها صلحي كذا وكذا واذا صلحتي كذا بتكونين احلى بس ردت عليها وقالت انا عاجبني شكلي كذا عناد قالتها بمزحه بس شكلها ما تتقبل من بنتي ولا هي ناويه تغير في نفسها شئ وانا قاعده افكر واقول في نفسي اذا كان عمرها عشرين وهيه كذا اجل لو يصير عمرها ثلاثين كيف بتكون واخاف انها من النوع اللي عنده قناعات ماتتغير والله يا بنات يوم شفتها في الزواج اني حزنت على ولدي لانه مره جميل وكان محط انظار بنات اقاربنا وشديد الاهتمام بنفسه وقعدت بعدها اتعذب اقوله يعني ولدي ولا ما اقوله وبعد كم يوم قررت اني اقوله بعد مانصحتها بنتي ورفضت ماتتصورون كيف تاثر وبغى يبكي وقال كلمي امها تفهم بنتها اذا ما عندها استعداد تتغير ما اقدر اتحمل كذا وانا الحين محتاره اكلم امها فشيله احسها ما قد صارت ان وحده تكلم ام خطيبة ولدها وتقولها خليها تهتم وتتنظف خاصه النظافه احس كل شئ ممكن الواحد يمشيه الا النظافه الشخصيه ما يمشي الحال بدونها ابدا ابدا وهو كمان يشوف اخواته جمال ولبس واناقه واهتمام فبيكون صعب عليه يتقبلها بهالشكل وانا ساعات اقول يمكن عشانها ساكنه عندى مرت ابوها ما علمتها ولا فهمتها ولا هي ماخذه راحتها عشان تسوي اللي تبغى ويوم اشوف خالتها اغسل يدي لاني من يوم عرفت خالتها وهيه بشكل واحد ماغيرت في نفسها شئ عشرين سنه وهيه نفسا لشكل بس الرجال انواع بعضهم عادي عنده وبعضهم لا وبالنسبه لولدي خرج من البيت يوم قلتله وهو في حالة اكتئاب ((بتقولون ليش هوه ما شافها في النظره الشرعيه اقولكم شافها بس ماشافها زين كانت جالسه ما وقفت وكمان حاطه شيله وماسكتها من الجنبين يعني مغطيه وجهها من على الجنبين بس هوه يقول انا نزلت راسي وشفتها واطمنت ان ملامحها حلوه وقلت في نفسي مع الاهتمام بتكون افضل وبالنسبه لنا شفناها ونفس الشئ قلنا اذا انخطبت بتهتم وتطلع احلى لانه يبغى لها اهتمام وتطلع مره حلوه وكمان فكرنا في ظروفها انها مسكينه وعايشه مع مرت ابوها مبهذلتها وكمان اخلاقها ممتازه) )شيروا عليه تكفون ايش اسوي وكيف اتصرف
133
17K

يلزم عليك تسجيل الدخول أولًا لكتابة تعليق.

تسجيل دخول

مجنونة شعولتي
اجلسي معهاااا انتي وفهميهاااااا بالكلاام الطيب يمكن تكون جاهله وهذا الشئ مستبعد بهالزمن
لكن حبيبتي انصحك نصيحه لاتورطين ولدك مع انساانه مهمله بحالهااا والله حرام عليكي يالغاااليه وخصوصااا شباب هالوقت يبون وحده نظيفه صح
البنت ماتبي تتغير ولاهي راضيه تتقبل كلام بنتك معقووله ماتشوف نفسها بالمرااااااااايه مااعرف لكن اتمنى تهدين شوي ف الاختياااااااااااااااااااار
عمشه بنت عمااش
طيب كلمي حرمه ابوهاا توجه البنت للصح وتعلمهاا .. بس لو تكلمي امها احسها صعبه شوي ..
والله مدري احس موقفك صعب وبنفس لاتبغين تجرحينهم وولدك من حقه هالشي ..
عمشه بنت عمااش
كم لكم خاطبينها ؟؟؟؟
القائدة
القائدة
هل انت اللي خطبتيها ؟
وهل ولدك شافها ؟
وانت معليش تعرفين خالتها دوبك شفتي عدم اهتمامها بنفسها ؟
كلميها انتي قولي لها يابنتي ولدي يحب مرة تكون كذا وكذا اذا او ولدك يكلمها اذا كان بينهم كلام
الله يوفق الجميع
(رائحة المطر)
(رائحة المطر)
[/SIZEطيب انتي ماشفتيها قبل ماتخطبينها لولدك ؟؟؟