اختى الفاضله:فاتن

سبحان اله استغربت من ردودكم يا بنات كبرتوها الموضوع وخرجتوا عن النطاق وكرهتوا المرة فى زوجها ووحدة تقول ينخاف منه؟ليه ينخاف منه تبين تكرهين المرة فى زوجها ؟؟؟

هونوها وتهون شدعوة كاكم فهمتوا الموضوع على عجل وربما غلط

اسمعى اختى فاتن :

اكيد نكدنا عليك ولا يهمك عندى لك حل
زوجك قال لك اريد الحركات ما سالتى نفسك شنو يقصد

انا فكرت فيها كثيرا:

ربما انت بنت خجوله وتستحين ويمكن رسميه مع زوجك والزوج يبي وحدة تتدلل وتتميع وتتمايل عليه

يعنى الدلع والغنج والاتوثه والاثارة اتمنى فهمتى شنو اقصد

يعنى لو طلب منك كوب ماى امشي بدلع وانوثه ومياعه ياليتك يمى جان علمتك شلون ودربتك:)

المغزى من كل هذا انك تتعاملين معاه بدلال انثوى حتى طريقه الكلام

واذا اصر اصر فعلا على الرقص عادى ارقصى برقه وبحركات بسيطه بس فيها اثارة اقصد تكونين مثيرة ومغريه مو مهم الرقص ترى الاهم رائحتك ولبسك المغرى حتى لو بسيط

والذكيه هى اللى تفهم يا بنات ومولازم اغانى رقصى بدندنه منك مولازم اغانى


اتمنى اكون افدتك حبيبتى





:) :)

و الرقص بالدف اشوفه شئ عادي جدا ترقص الوحده لزوجها:27:

عااااااادي جداااااا

شوفوا عاد
انا زوجي والحمدلله متدين ،، ومدرس دين ،، ولحيه ،، ومايحب التلفزيون ،،
طلبني اول مره ارقص واحنا نشوف شريط عرسي ،،
طول على التلفزيون وقال قومي ارقصي
في البدايه عييت لان بصراحه رقصي موحلو ،، ماااااا أعرف ارقص ،،
وقلت انا ما ارقص حتى مع خواتي في البيت __ خواتي من النوع اللي يحب يطبل ويرقص 24 ساعه __
لكن قال لي كلمه ،، تأملت فيها زيين ونفذت طلبه <<<<<<< اشوى محد معانا كان ضحك لين قال بس؟؟
المهم ،، قال ليش يا فلانه ما ترقصين ،،
انا ما اعرف الحريم ،، واشوف كل حريم العالم فيك،،
يعني انتي كل حريم العالم في عيوني ،،
مستحيل اني اطلب هالطلب من غيرك ،،
__ مع انه ماشاءالله خواته 7__
وبالعكس بتكبرين في عيني لو رقصتي عشاني ،، لانك ما ترقصين لغيري "



ورقصت له
عاد ماادري احس جاملني لان رقصي موحلو ، بس قلت يله شدريه بالرقص الزين،
استااااااااانس
وانا استانست لوناسته ،،،



المهم وتمضي الايام
ومرت فتره وتزاعلنا
وطلع من البيت ورجع 12 باليل
الا وانا مستقبلته بالساري
والستكر الحمر اللي على الجبهه
والاساور اللي واصله الى المعضد
ومكياج هندي
ونعول هنديه
وفرقت الشعر

وتعال يا رقص هندي
طبعا انا المطربه
"" تشاري هييييي تشاري هيييييي .................................""
عاد سهله الفت من عندي ولحنتها على كيفي
والحركات الهنديه اسهل
الله يخليهم الخدم علمونا ،،



وفي النهايه
كبسه حاااااااااااااااااااااره
يقول ما قدرت اقدر من الوناسه // يقص علي اشوفه يتاوه من بطنه // لعبت فيه البهارات والزنجبيل،،



ادري طولت عليك ،،
بسس شسوي طبع الهنود هذارين
وافلامهم طويله


هربقى اتشاهييي

أختي سويتي الحلوة..:27:
كرداسة سوق شعبي للجلابيات.. لكن أنا سمعت أنه من سنوات طاح سوقه وما عاد زي أول..
وشارع الشرق في خان الخليلي أيضاً رهيييييييييب في هالشغلات.. عندهم أيضاً محلات كاملة خاصة بهاللبس..
لكن زي ما قلت لك هذا كان أيام زمان مع أهلي..

لما رحت مع زوجي كانت كرداسة طايح سوقها.. وزوجي رفض نروح خان الخليلي ما يحب الأماكن الشعبية الزحمة.. و.. رااااحت علي..

وفعلاً أنا سمعت عن محل للانجري في العثيم مول.. لكن محل عادي يبيع فيه رجال.. بس لما رحت لقيت أشياء باااايخة صراحة مقارنة باللي شفته بمصر.. وما تسمى بدلة رقص فعلاً..

أنا سمعت أنه فيه في سوق الهودج النسائي.. بس صعب جداً إني أروح له..

واللي تعرف الله يجزاكم خير.. تخبرنا..

:26:

عزيزتي فاتن..
أنا راح احكيلك موقف صار لي مع زوجي وانت احكمي بنفسك على الحل الأمثل لمشكلتك. مرة طلب زوجي مني طلب فيه شوية تحايل او خليني اقولك انه مايرضي رب العالمين. المهم انه الح علي بالطلب لاكثر من اسبوع و بشتى الوسائل لكني ما رضخت وفي نفس الوقت شرحت له وجهة نظري بالطريقة اللي يفهمها و تعجبه لكن ما فاد فتحولت المسألة الى زعل استمر الى ما يقارب الاسبوع او اكثر. انا فعلا كان ضايق صدري من الوضع لكن ما كان هاين علي بصراحة ارضيه على حساب رضا ربي علي، فيوم من الايام صليت لي ركعتين ما بين اذان واقامة مغرب احد الايام و طلبت من ربي الثبات ان كنت على حق.
تعرفين ايش كانت النتيجة؟؟
قسما بالله في نفس الليلة جاء زوجي و قبل راسي و اعتذر مني واختلق لي اعذار حتى يرضيني و كنت بهذاك اليوم أجمل امراة في عينه و كأنه منقطع عني سنين..
أعرف طولت عليك بس ابي أذكرك انه من ترك شيئا لله عوضه الله خيرا منه.