بسم الله الرحمن الرحيم
تحيه طيبه معطره وبعد..
اخواتي في الله صارت بين زوجي وابنته مشكله وهيه مو بنتي.. المهم عصب ابوها عليها وهاوشها وعطاهاإنذار لو ما عدلت من نفسها واسلوبها راح يقطع علاقته بها ويوديها عند امها.. انا ما كنت موجوده في الصوره وكل الي صار انا ما شفته ولا اعرف السبب لانها عايشه بيت جدها.. والمشكله ما لي دخل فيها.. شفته زعلان ومتنكد سألته وأخبرني.. وكان منزعج منها كثير ومن ضمن كلامه قال قلبي موجوع منها ربيتها ودللتها وتجحدني بهذي الطريقه.. بعد ما خلص كلامه وهداء قلت له هذي عرضك مهما سوت ما ترميها وانا لو مكانها ازعل منك حتى لو أخطأت بحقك مهما تكون ردت فعلك قاسية ما بتكون بهذي القسوه الجارحه.. هيه بنتك وانت ربيتها صح بس مش معناه هي اذا اخطئت تعاقبها بانك تتخلى عنها مهما كان الغلط.. خذ موقف وزعل منها.. بس ما ترميها.. لان عيالنا مهما كبرو ايضلوا بحاجتنا.. صعب نتخلى عنهم ولو تخلو عنا حن قلوبنا ماتتخلى عنهم.. بعد يومين من لاقناع الحمدلله اقتنع بس قال بغير طريقة تعاملي معها وبكون جاف.. قلت عادي مع مرور الزمن قلبه بيصفا.. المشكله اني اخاف خوات زوجي يرمن اللوم علي ويقولن اني قسيت قلب ابوها عليها.. لان زوجي قالي لا تفتحي الموضوع عندهم وخليك كأنك ما تعرفي.. وانا ماني حمل زعل و خصام مره ثانيه خلاص اكتفيت وحابه تستمر علاقتنا طيبه.. وقلت له هل كلام قالي كيفهن هن يعرفن انه الي سوته بنتي ما ينسكت عنه وطبيعي اخذ موقف وازعل منها وانت ما لك دخل في الموضوع لا من بعيد ولا قريب.. وخليك ساكته ولو فتحن معك الموضوع قولي ما عندي علم.. والله محتاره دايما غيري يخطيء وانا المحاسبه ليش ما اعرف.. اسفه طولت عليكن بس حبيت افضفض صعبه اتكلم في الموضوع مع احد لانه معقد والمشكله الي سوتها بنته صعبه اتكلم فيها مع شخص يعرفها لان اخاف على مستقبلها.. ادعو لها ربي يهديها ويسخر قلبها لبوها...
ام سالم 88 @am_salm_88
محررة فضية
يلزم عليك تسجيل الدخول أولًا لكتابة تعليق.
Robyror
•
سوي اللي امرك به زوجك
لا تتدخلي وسوي نفسك ماعندك خبر بشيئ
وجزاك الله خير على الكلام اللي قلتيه له عنها
وخليك بعيده طالما موضوعها معروف لابوها واهلها خلاص هم اعرف بالحل المناسب له
والزوجه طالما زوجها عارفها لاتهتم بغيره خليهم يقولون اللي يقولونه اهم شي هو
همااتوقع حتى لو قلتي ماعندي علم مابيصدقون اهم شي مايطلعون منك باي كلمه تتسبب
فمشكله بينك وبين زوجك وحافظي على سره وطلبه لك بالانكار
ارضاء زوجك اهم شيئ حافظي عليه لانه لو حصل اي موقف
حيكون اول من يقف بجنبك فلاتخسريه
وبنته الله يهديها ويصلح مابينهم
لا تتدخلي وسوي نفسك ماعندك خبر بشيئ
وجزاك الله خير على الكلام اللي قلتيه له عنها
وخليك بعيده طالما موضوعها معروف لابوها واهلها خلاص هم اعرف بالحل المناسب له
والزوجه طالما زوجها عارفها لاتهتم بغيره خليهم يقولون اللي يقولونه اهم شي هو
همااتوقع حتى لو قلتي ماعندي علم مابيصدقون اهم شي مايطلعون منك باي كلمه تتسبب
فمشكله بينك وبين زوجك وحافظي على سره وطلبه لك بالانكار
ارضاء زوجك اهم شيئ حافظي عليه لانه لو حصل اي موقف
حيكون اول من يقف بجنبك فلاتخسريه
وبنته الله يهديها ويصلح مابينهم
رمينيا22 :
طيب تمام كلامك حلو ... واللي يسوي طيب بيلقاه بحياته .... بس ليش توقعين البلاء قبل وقوعه خليك واثقه من نفسك وماعليك من اللي يقول ويبربرطيب تمام كلامك حلو ... واللي يسوي طيب بيلقاه بحياته .... بس ليش توقعين البلاء قبل وقوعه...
والله صح كلامك المفروض اكون واثقه من نفسي.. بس الله يهدي خواته دايما اذا زوجي نقد على بنته على طول انا قلت له او عتب عليها.. الحين الوم علي ويزعلن ولما اروح ما القى ترحيب منهن وانا ولا ادري وش السالفه.. صار زوجي ايطنشها ويسكت حتى لو شاف شي ما عاجبه.. بس هل مره غير ما يصير ايعدي..
Robyror :
سوي اللي امرك به زوجك لا تتدخلي وسوي نفسك ماعندك خبر بشيئ وجزاك الله خير على الكلام اللي قلتيه له عنها وخليك بعيده طالما موضوعها معروف لابوها واهلها خلاص هم اعرف بالحل المناسب له والزوجه طالما زوجها عارفها لاتهتم بغيره خليهم يقولون اللي يقولونه اهم شي هو همااتوقع حتى لو قلتي ماعندي علم مابيصدقون اهم شي مايطلعون منك باي كلمه تتسبب فمشكله بينك وبين زوجك وحافظي على سره وطلبه لك بالانكار ارضاء زوجك اهم شيئ حافظي عليه لانه لو حصل اي موقف حيكون اول من يقف بجنبك فلاتخسريه وبنته الله يهديها ويصلح مابينهمسوي اللي امرك به زوجك لا تتدخلي وسوي نفسك ماعندك خبر بشيئ وجزاك الله خير على الكلام اللي قلتيه...
آمين.. مشكوره ان شاء الله هذا الي بيصير.. الله يهديها.
الصفحة الأخيرة
واللي يسوي طيب بيلقاه بحياته ....
بس
ليش توقعين البلاء قبل وقوعه
خليك واثقه من نفسك وماعليك من اللي يقول ويبربر