nono_Lan

nono_Lan @nono_lan

عضوة جديدة

مشكلة زوجي مع زوج اخته

الأسرة والمجتمع

السلام عليكم بنات شلونكم وكل عام وانتم بخير ، عندي مشكلة تتعلق بزوجي لكن بقول لكم بدايتها من متى ، زوجي لما كان عمره ١٤ ابوه توفى وكان عنده اخت اكبر منه بعشر سنين تقريباً وامه فقط وما عنده اخوان او خوات غير اخته الكبيرة ، اخته بعد وفاة ابوه تزوجت وامها اصرت على زوج بنتها انه يعيش معهم في البيت بحجة انه ما عندهم رجال وزوجي وقتها كان عمره ١٥ عقب وفاة ابوه بسنة ومن يوم زوج اخته عاش معاهم صار هو رجال البيت وكلمته الماشية على الكل حتى لما زوجي ايام المراهقة يسوي مشاكل طبيعي مثل المراهقبن كانوا امه واخته ما يقدرون عليه فتقول اخته لزوجها وزوجها يضربه وكبر زوجي وهو يخاف من زوج اخته واليوم زوجي عمره ٢٧ سنة وزوج اخته مو كبير مرة يعني بداية الاربعينات لكن زوج اخته يعني ضخم وعضلات وطويل وزوجي طوله طبيعي ونحيف فهذا مخلي خوفه مضاعف واخر مرة قبل اسبوع تقريباً راح يزور امه وصارت مشكلة له مع اخته الحيوانة وراح تقول لزوجها وانضرب زوجي من زوج اخته وجاني البيت وجهه مورم وبلوزته مشقوقه وكله دم وفيه خدوش على يده وكان مبين انه يبكي قبل ما يجي البيت ، قلت له طيب ما دافعت عن نفسك ما سويت شيء قال لا هو ضربني يقول حتى ثوب زوج اخته صار احمر من دم زوجي لأنه زوجي نزف كثير من خشمه بسبب الضرب والحين صارله اسبوع امه واخته ما يبونه يجي حتى العيد ما قدر يعيد ويطلع عشان اثار الضرب بوجهه وانا منقهرة على حالة وودي اضرب زوج اخته بس اتذكر اني امرأة وما راح اقدر عليه فهو حتى صار يقول اذا تبين تتطلقين انا راضي وقلت له ليش تبي الطلاق انت وش شايف مني قال نظراتك تقول كل شيء ويقول لي ان انتي ما راح تحت ميني لأني انضربت من زوج اختي واني ضعيف وما اقدر ادافع عنك وما تشوفيني رجال وانا قعدت ابكي واحلف له انه ماله علاقة هذا وان ما فكرت ابداً بنظرة سلبية تجاهه ، انا منكسر خاطري عليه لأنه طيب ولاحظت عليه هذا الشيء من ايام خطوبتنا لما يطيح علبة مناديل يجلس يعتذر مية مرة ولما يكب شاي او عصير يحلس يعنذر ويقول والله ما قصدت وياخذ منديل وفرطه ويمسح لاحظت عليه يعتذر على اشياء سخيفة ما تستحق الاعتذار لكن عرفت بعدين عقب الزواج انه يعتذر بسبب شخصيته الضعيفة وسبب خوفه من زوج اخته ، هل يحتاج لعلاج نفسي لشخصيته وكيف يقدر يقوي نفسه ويبطل اعتذار من اشياء سخيفة ويبطل خوف من زوج اخته ويبدأ يقوي نفسه ويتعالج نفسياً وجسدياً عشان يقدر يوقف بوجه اي احد يتعدى عليه ابي طبيب نفسي شاطر اما بالنسبة للجسم فانا عارفة الحل اي نادي مع مدرب راح يصير جسم زوجي افضل بس المهم ان النفسية والشخصية الضعيفة كيف نعالجها
15
3K

يلزم عليك تسجيل الدخول أولًا لكتابة تعليق.

تسجيل دخول

ديما2003
ديما2003
السلام عليكم ورحمة الله وبركاته اختي اكيد يحتاج علاج نفسي وسلوكي ضروري لانه مع التراكمات هذي بتقل ثقته بنفسه وبيأثر على عياله بالمستقبل المفروض امك تتدخل لانه الوضع زاد عن حده للاسف كان الله بعونك
قطرة ندى
قطرة ندى
ماعنده عمام او خوال زوج
tuka
tuka
ليش ما خليتيه يروح يشتكي عليه ويآخذوا عليه تعهد عشان لحكايه ما تنعاد ثاني ويحرم خلي قوة القانون تربيه 

لا طبيب نفسي ولا شيئ إنت طبيبه النفسي عززي ثقته بنفسه راح يسمعلك إنت أحسن 

 زوجك متربي مو ضعيف عشان هيك يعتذر عن أي سوء تصرف يبذر منه ولو تافه 

 لو كانت الرجوله تقاس بالقوه الجسديه و الهمجيه لكان الثور أرجل رجال
&روعة الحياة&
لازم تقنعينه يقوي شخصيته يحتاج علاج سلوكي
عشان لو بعدين ربي اكرمه باطفال يقدر يدافع عنهم
ثانيا يحاول يقاطع هذا الشخص فترة طويلة ولاعاد يتواجه معاه
غيم70
غيم70
يشتكيه في الشرطه. فيه عندي رقم استشاري نفسي اذا تبغيه راسليني خاص.