مشكلة سخيفة ......... لكن قاهرتني !!

السلام عليكم ورحمة الله

حواءات العزيزات........... صار بيني و بين زوجي نقاش في موضوع سخيف بس الصراحة قاهرني............ زوجي الحمدلله كريم معاي وما يقصر علي الصراحة و انا أعترف ان طلباتي تصير كثيرة أحيانا..... وينفذها لي الله يجزيه خير........ بس صار لي موقف معاه امس انا الصراحة مستغربة منه .......... القصة وما فيها ان اخوي من فترة معطيني مبلغ مالي هدية ..... والمبلغ مو بسيط .......... و انا عاجبتني وانتوا بكرامة جزمة ماركة طبعا غالية بـ 1500 ريال وناوية أشتريها بجزء من المبلغ الي عطانياه أخوي ........ المهم ان زوجي مو راضي لي أشتريها مع انه ماراح يدفع فيها شي ....... و انا قلت له : لو ان ماعندي قيمتها كان ما طلبتها أصلا بس انا عندي قيمتها ....... بس مو راضي أبد اني أشتريها .... يقول اشتري شنطة ب2000 أو 3000 ولا تشترين جزمة بـ 1000 ......... يعني بنات الحين لما أشتري شنطة بـ 3000 ريال هذا عادي مو تبذير ....... بس جزمة بـ 1000 يعتبر تبذير....... بذمتكم هذا منطق؟؟؟؟............... طيب هذي الفلوس جايتني هدية انا حرة فيها أصرفها على كيفي ما له حق يتحكم بفلوسي ........ أجل بكرة بيتحكم براتبي ....... بيقول لي اشتري هذا ولا تشترين ذاك.........
انا الصراحة ترددت اني أكتب لموضوع لأن أحس انه سخيف ما يستاهل اني أقهر نفسي عليه........ بس الصراحة انا من زمان نفسي في هذي الجزمة الله يكرمكم و أحس انه حطمني لما منعني منها بالذات اني ما صدقت جاني المبلغ هذا عشان أوسع صدري فيه........

و على فكرة ترى انا أحب الجزم والصنادل بجميع أنواعها وأخسر عليها

انتظر تفاعلكم........ وخذوا راحتكم انا أتقبل النقد ....... بالذات منكم :26: