مشكلة شااائعة بس محيرة

السلام عليكم ورحمة الله وبركاته

اعز صديقاتي بتعاني من مشكلة بصراحة هي شاائعة بس فعلا تحير
هي متزوجه من 4 سنين وتحب زوجها وزوجها يحبها بس من جديد بدأ يتابع أفلام(..) وطبعا هي ماهي راضيه ابدا وصارت بينهم مشاكل للسما
كلمتو في لحظة تفاهم وقالتلو انا ايش ناقصني ايش عيبي هم احسن مني في ايش قالها والله انت مستواكي عالي وماتتقارني فيهم بس انا ودي اتعلم حركات جديدة واطبقها معاكي بالحلال وبس عشان اخلق جو
قامت قالتلو ياانا ياهم في الغرفة( اقصد في التلفزيون) وصار كل مايفتح تطلع من الغرفة وهو يزعل يقولها خليكي

هي كتييير زعلانة وبتقولي انها بدون ماتحس صارت تكرهو وبدأت تجفا منو مع انو يحبها ويحافظ على الصلاة والشهادة لله انو بيعمل اعمال خير كتييير رائعة منها كفالة ايتام يعني هو محترم بس مااعرف هي نزعة شيطان:(

وهي ماشالله ماهي مقصرة معاه في الأخلاق والتعامل واللبس وهي ماشالله حلوة بس زعلااانة من هذا الموضوع

وتسال نفسها ليش لما يبغى (يمارس الحلال معها) لازم يفتح على (الحرام) وبعدين يجامعها
يعني ماينفع بدونهم:( :(

سامحوني على الإطاله بس والله موضوع محرج ومهم جدا والله يهدي شبابنا كلهم

الي عندها حل او دعاء تفيدنا الله يستر عليكم لأنو المشاكل من ورا الموضوع هذا ماتنتهي بينهم