اول شي انتي متزوجة وانتي واختك تتمنون اطفال ؟
هل تتمنين اطفال يعاملونك مثل ما تعاملين والدينك ؟
يعني يا عزيزتي حتى لو كنتي شبعانه على الاقل اكلت شي بسيط عن خاطرها وقلتي اانا باقوم لاجل عيونك هل هذا صعب ؟
مافي بيت بالدنيا ما فيه مشاكل
ولا في انسان ما شاف امه وابوه مرت عليهم مشاكل
خلاااااااص احين هذا صار في طي الماضي ولا ينفع فيه لا كلام ولا غيره
ولا راح يتغير
لكن المستقبل بيدك تقدرين تغيرينه للاحسن
بر الوالدين اللي امرنا به الله ليس بالشء السهل
ولا راح تقدرين تغيرين نفسك بيوم وليلة
حاولي تزرعين العزيمة بنفسك
وكوني على ثقة بقدراتك
خلي في البداية كلامك حلو معاهم يا حبيبتي ويا قلبي
دلعيها هذي امك ولا تنسين والدك مهمها فعل وسوا هذا ابووووك
حاولي في فترة صفا وهدوء تكلمينها وتقولين لها اللي بقلبك وانك ناوية تفتحين معاها صفحة جديدة مملوءة بالحب
لما تطلب منك شي وكان صعب وما تقدرين تسوينه اعتذري بطريقة حلوووووة
مثلا
يا يمه على عيني اسويه بس ما اقدر لكن باعوضك في الجايات
واذا تقدرين تسوينه وتكاسلتي تعوذ من الشيطان وتذكري ان الله يراك ويراقبك
اسفه عزيزتي يمكن كلامي كان قاسي عليكي بس حبيت لك الخير والاجر والصراحة احيانا تؤلم
الله يهديك ويرزقك بالذرية الصالحة

يوووه حرام عليك بصراحه غير انه حرام عيب تحرجين امك وعلى فكرة دعاء الام دائما مستجاب اتقي الله اخيتى والله انى لكى من الناصحين فيه بنات امهم تضربهم وتهينهم وحتى الكلام الوسخ تقوله لهم مع ذلك هى العزيزة والغالية ولايرضون عليها بس بقولك قبل اى تصرف حطى نفسك بالموقف وانه بينك وبين بنتك كيف ودك بنتك تعاملك وانصحى خواتك هذى امكم انتى ماجربتي الحمل والولادة اللى يكون فيه بينها وبين الموت شعرة غير السهر في الليل والتعب والهم وتحمل اذى الزوج واهله كله عشان الاولاد وبالاخير هذا جزاها وعلى فكره ترى الحريم يراقبون تصرفات البنات وراح يتغاضون عنكم حتى بالخطبة ولااحد يمدحكم وياختى اللى مافيه خير لحلوة اللبن اسالك بالله منو له بيكون خير اسمحيلي على حدتى بس انتى غلطانة وامك كسرتى خاطري يرضيك احد يقولك انك كسرتى خاطري ترضينه لامك الله يهديك حبوبة ويوفقك والسموحة لااوصيك بامك يمكن دعوه منها تدخلك الجنة ودعوه تدخلك النار والله اعلم

حبيبتي
من دون محد يقولج وانتي عارفه انج غلطاااااانه على امج ..... وانتي عارفه انه كل اللي تسوينه غلط × غلط....... هذي امج ولاااازم انج تطيعينها وتحترمينها والواحد حبيبتي ما يعرف قيمه اللي يحبه الا يوم يموت (( الله لااا يقوله )) عنه ....
ولاااازم تغيرين معاملتج انتي واخوانج كلكم ...... حشااا ما جنها امكم ......هيه مربتنكم وتعبانه عليكم وتسهر عليكم والحين انتو تسوون فيها هجذه ......
والله حراااااااااااااااااام خافواااا ربكم فيها .......

حرام عليك امك تمناك تقومين معاها تعاندينها والله نزلت دمعتي هذا مو اسلوب معاملة لا مع مين امك يالله على الاقل قومي معاها مجاملة قربي لها الاكل شوفي وش تحتاج ارجعي الى صوابك بري بوالدتك الجنة تحت اقدام الامهات

الله يسامحك و يعفو عنك..
..يختي امك الان محتاجه اليكم اكثر من اي وقت ...يعني حرام تلقاها منكم او من ابوكم ..
..
بعدين انتم البنااااات المفروض تكونون احن ناس عليها..
ترا والله ما اقول هالكلام شماته او شي...لكن صدقيني ..لو تفقدينها الله لا يقوله كان عرفتي قيمتها..وا كيد الطفوله لها دور بالي يصير لك اللحين ..بس انتي كبرتي ..و صرتي فاهمه ..و راح تكونين ام باذن الله ...
..
و بعدين ..انتي حاولي تغيرين نفسك بخطوات ...يعني شوي شوي..خصوصا انه انتي ضايقك صدرك .وضميرك صاحي ..و تخافين الله
..
يعني بالبدايه روحي لها...ضميها ..و اتاسفي منها على كل شي صدر منك ..اظهري لها الخضوع ..و انك تحبينها..بس احيانا تعصبين و تتصرفين بدون ارادتك...
..
حاولي تضغطين على نفسك و سوي الي تبي ..حتى لو عصبتي و شانت نفسك ..لاتخلينها نهاية الامر..و سوي الي هي تبيه ....
..
بين كل فتره و فتره جيبي لها هدايا ...و عبري له عن حبك باي طريقه كانت ..
..
ابداي معها حياه جديده ..حاولي تثقفين نفسك بقراءه كتب في كيفية التعامل مع الناس و اصلاح الذات ..و اهم شييييي انصحي خواتك ..يعني عقيتوها و نتم صغار...ربي يعفو عنكم ..عوضوها يوم كبرتوا..
..و الله تشووووووووفين التوفيق بحياتك ..
..
الله يصلح ما بينكم يا رب..و يرضيها عنك ..و يقر عينها بك..و يقر عينك بالذريه الصالحه ..
...