مشكلة صحوني المشهبة والملبدة انحلت ولله الحمد بأشياء بسيطة سويتها بنفسي من موقع علمي

السلام عليكم ورحمة الله وبركاته

قبل فترة نزلت موضوع وقبل امس حتى عن غسالتي اريستون اللي يئست منها
ولكن مثل مايقولون كل مشكلة ولها حل ..
وموضوعي كان هذا هو اللي بالرابط ..

http://forum.hawaaworld.com/showthread.php?t=3892542

وبصراحة انجنيت من الاواني اللي ماتنظف ابدا باستمرار مشهبة وعليها مادة ملبدة
وفي كل مرة نفس المشكلة من جد طفشت وبالاخير اشتكيت هنا وكل وحدة تقول
سوي كذا وسوي كذا وطبقت نصايحهم لكن بدون فائدة تذكر !! حتى المرشات غسلتها بكلوركس
وصابون ونظفت الغسالة بالاسفنج من داخل وبرضو نفس الشي !!!
المهم اخر شي بحثت بالنت وبحثت لحد مالقيت موقع هو يعتبر علمي فيه تعليمات عن غسالة الاطباق
وكيفية استخدامها والموقع على ما اعتقد هو مترجم للعربية وعشان كذا اغلب الكلام ملخبط بس انا فهمته
تصوروا من ضمن التعليمات مكنوب ضعي قليل من الزيت اللي هو زيت الاكل مثل عافية لتنظيف الغسالة
وازالة الدهون اللي فيها :blink: .. كيف زيت ينظف دهون :blink: كلهم دهون هنا استغربت وقلت اجرب
مع اني سبق وقرأت عن هالمعلومة من وحدة كانت تنصح بالزيت لكن الاغلبية ما اهتموا لها !!!
المهم اني جربت وحطيت على الخاصية الرابعة وبعد ماانتهت لاحظت انه غسالتي والاواني صارت تلمع
وكأنها جديدة :blink:
لكن ملمسها زيت رحت وحطيت خل وكلوركس قلت اجرب فيها صلحت والا خربت !!!
وتصوروا بعد هذا كله ماشاءالله نظفت الغسالة والاواني وراح ملمس الزيت اللي فيهم نوعا ما مو مرة يعني !!!
المهم رجعت وحطيت مسحوق صابون الاواني وشغلت الغسالة لحد ما انتهى الوقت وطلعت انظف من اول
ثم طلعت الاواني ورجعتها للدولاب ثم رجعت وحطيت خل في الغسالة للمرة الثانية وشغلتها وطلعت تللللمع
ماشاءالله والخل تقريبا حطيته اربع مرات عشان يذوب الدهون اللي فيها ..
اما الزيت احس انه ينفع مرة وحدة فقط بس والله جاب نتيجة راااااائعة افضل من الخل !!!
وبالنسبة للخاصية خلاص انا ودعت خاصية النص ساعة واستخدمت خاصية الساعتين لانها تنظف وتلمع
وتنشف صح هذا اللي شفته ..
اتمنى تستفيدون مني واي استفسار انا حاضرة ..
والله يبارك لي بهالغسالة ويحفظها من كل مكروه ياااااارب ..

ملاحظة :

الاواني اقصد الاكواب الزجاجية الشفافة انا نظفتهم بالاسفنجة قبل احط الزيت بالغسالة وبعدها حطيتهم بالغسالة
وحطيت معهم بيالة زيت وشغلت عليهم الغسالة ..