مشكلة صديقتي

السلام عليكم انا اول مره اشارك ..
حابه اعرض مشكلتي انا تعرفت علي وحده بالجامعه مع الايام صرنا صديقات مرررره المهم صديقتي عندها صديقه من ايام المدارس ، صديقتي انسانه طيبه وما فيها شيء لكن صديقتها !!!
اكتشفت مع الايام صديقتها تحثها انها تكلم شباب وتطلع وتحاول تطلع صديقتها من الجامعه وتشغلها عن محاظرتها والله الان مستواها متدني اما قالت ليش كذا وراسبه بكذا ماده !! اخذت منها الجوال على اساس هو مشغلها لما شافت الا رسايل صديقتها قالت لها احلفك بالله ابعدي عنها قالت طيب صديقتي قزرت عمرها بجوال تاخذه للجامعه عشان صديقتها ماتقول لها وين جوالك؟ قلت لها انتي ماقلتي لصديقتك السالفه ؟ قالت لا لانها بتروح تعلم يابنات شوفو فلانها امها قفطتها من هالكلام طبيعتها كذا المهم صديقتي قالت ودي اجرب اطلع قلت لها ياويلك انتبهي وقعدت انصحها بس خايفه عليها💔💔المهم فكرت كيف ابعدها عن صديقتها قلت استشيركم ارسل لامها ؟ امها تعرفني وبالعكس تمدحني لكن فكرت مارسل لها من رقمي من جوال ثاني ع اساس اني اداريه واقولها شوفي وضع بنتك مع صديقتها ترا ماينسكت عليه ، لكن الام اكيد بترسل او تدق على صديقتها وتقول لا عاد تقربين لبنتي ومن هالكلام لكن المشكله طبيعي بيتقابلون بالجامعه عشان يحلون الموضوع واكيد صديقتها بتسوي سالفه وتقول ليش ماقلتي لي ان امك قفطتني من اول ، انتم وش رايكم والله البنت بدت تتغير ومستواها ينزل اعطوني حل ابعدها عنها والله اني ابي مصلحتها ومعتبرتها زي اختي💔💔💔