مشكلة صديقتي

وحده من صديقاتي صار لها متزوجه ثلاث سنين وحياتها ماشيه صح يعني زوجها كويس فيه سلبيات وايجيابيات بس ايجابياته اكثر مرتاحه معاه بس تشتكي لي منه بشي قاهرها تقول دايم ماخذ عني فكره اني انسانه من تحت لتحت وانها حاسده اللي حوالينها وماتتمنى الخير لأحد اذا جت وقالت دعيت لفلان يقولها متأكده ؟ ويضحك دايم ماخذ فكره انها تتصنع مايعلمها بأمور شغله بحجة مايبغاها تعلم احد وهي اذا قالها شي ولا عمرها علمت يعني عذره مايقنع مع انه ماعمره شاف موقف منها يعني قبل كم يوم جاها وقال ان شاء الله يقبلون اختي المعهد اللي تبغاه قالت والله اني دعيت لها قال من قلبك قالت ايه ضحك ! قالت له ليه ماخذ فكره عني كذا قال لان الشخص يبان من وجهه اعرف الشخص من وجهه انا بصراحه متوقعه انه بينها وبين اخته مشاكل مع انها والله دايم تمدح بأهل زوجها ماتذمهم ! سألتها قالت لا والله بالعكس اخته ذي اقرب وحده لي حتى النوم تنام عندي بحكم انهم قريبات من سن بعض المهم صديقتي قامت تقوله انت ماخذ فكره عني اني حاسده وش كلامك لما تقول لي اعرفك من وجهك قال لها ترى امزح معك واطقطق ! مع ان كلامه كان مثل الصدق وفيه موقف ثاني تقول نايمين وهو متروش وقلت له غطي راسك عشان البرد مايدخلك قالت خايفه عليك ترى قام يضحك متأكده ويضحك وقال لها الله يعطيك على قد نيتك وهي زعلت قام يقول ترى امزح معاك هي متنرفزه ليه يسوي كذا وماخذ هالفكره مع انه ماشاف منها اي شي ! طبعاً والله صديقتي من زمان وفعلاً والله ماهي انسانه حقود ولا هي انسانه حاسده لأحد عشره انا وهي عمري ماشفت منها شي انا اقول لها طنشي والايام تثبت له بس هي متنرفزه من اسلوبه ومن انه صار يخبي عليها ! كيف توقفه عند حده ؟ هي تشوف ردودكم ( ترى انا كاتبه الموضوع بكلامها هي )