مشكلة صديقتي .................تريد حلاً

يابنات صديقتي مع انها متعلمة ماشاء الله عليها وذكية والله اعطاها لكن حرمها من اهم شي وهو عمود البيت ... زوجها

زوجها مرررررررررررة انسان متكل عليها وانسان متذمر كسلان مايحب شي ولا يعجبه شي ولا يعرف يخطط للمستقبل ولا كيف يفكر اهم شي عنده ياكل وينام ويسهر بس

العيال مو مهم مايعرف باي صف ولا وش يدرسون ولا وش فيهم ولايعرف اي حاجه بالبيت

اهي كانت مو مشكلة عندها هذا الاشياء وكانت مدبره عمرها ومو محتاجه لا له ولا لاحد عندها وظيفة وسواق وتجيب كل شي لعيالها

وبعدين كااااااااان غاااااااااااااااامض تقول لي تصدقين مااعرف من اصدقاءه وش اسمائهم ومرة اختفى عن البيت كم يوم تقول ماادري من اتصل فيه وفوق كذا اشياء واشياء كثيرة واكتشفت انه مريض نفسي وسبحان الله انا قلت لها اكسبي فيه الاجر وماعليه تقول مو مشكلة بس المهم انه يؤذيها ويضربها هي فقط وتقول كل هالموصفات اللي فيه ماتبين عند اهله ابدا يطلع عاااااااااااااااااااااادي صح انه ضعيف عندهم مرررررررررررررررررة ويخاف منهم او اي كلام يطلع عنه ودايما يقول مو اذا تضاربنا تقولين لاحد مع انه يتكلم عليها وهذا اللي لاحظته من حركات امه معها

امه في نفس الوقت انساااااااااااااااااااانه قاسيه جدا ومع انها عرفت عن حالته والله ماطقت حساب له وتضغط عليه واهم شي الفلوس عندها


والله اشياء كثيره تقولي وهي تبكي ومالي الا اهديها

هي ماشاء الله عليها جاتها بعثه وهو جلس يشجعها ويقول يالله وسافرت على امل تخليه يدرس ويتعدل لكنها صار هم عليها مادرس ويماطل ويكذب عليها ومايشيل هم العيال وجلست في هالغربه في ضغط منه وتقول على كثر فرحتي اني برجع دكتور لكنني كزوجة مجروحة من داخلي كل اللي معاها من الحريم ازواجهم في الجتمعه والحريم مريحات وهي الوحيده اللي تروح فيهم وزوجها صار بس يسهر ويشرب ويقول انسى همومي

تقول اذا تركت على حاله تمادى واذا تكلمت معه على طوول يتضارب معي ويترك البيت

جابته بكل الاساليب بس مافيه فايده مايجلس في البيت تخيلوا غربه وهم ومايقابلها ياناس


واخيرا الحين تطور يضربها وتقول عيالي صاروا يكرهونه ويقولون ليش بابا يسوي كذا وتقول والله لو اني موبنت ناس والله لاكلم الشرطة واخليه يخيس ويعرف ان الله حق ومع ذلط هي هددته وقال لها اتحداك تسوينها

والله امس تقول جالس يتناقش معي على موضوع السفر وتحس انه مو صاحي تقول اتكلم بشي ويرد بشر ثاني وتقول قالت له احس انك ماتفهم علي انا اقول كذا قصدي وتقول الا كف على وجهي وانا على الارض وطلع ومارجع الى الحين وهي مو قادرة تنام من الالام


ادعوا لها يابنات خصوصا ان احد اطفالها مريض وعندها مواعيد ولكن اب بلارحمة حتى اللي بالمستشفى يقولون لها انتي مطلقة وين زوجك ماعمرنا شفناه ؟ قالت مشغوول