مشكلة صديقتي .. تكفوون ابغا رايكم بسرررعه

السلام عليكم
هلا بنات .. انا اول مره اشترك في هالمنتدى وابغا اقولكم مشكله صارت لصديقتي..
وقولولي رايكم..
المهم صديقتي هذي عمرها 23 وهي كانت مخطوبه لأخو صاحبتها خمس سنين يعني لما كان عمرها تقريبا 18لانه يدرس برا يدرس هندسه..هي تحبه لاوالله تمووت فيه ولما رجع وخلاص بيخطبها سافر عند اعمامه وشاف بنت عمه وهذي بنت عمه كانت متزوجه وتطلقت وهو كان يحبها من اول وقرر انه يتزوجها بعد ما تطلقت.. وقرر انه يفسخ الخطبه من صديقتي وقال لأخته تقولها انه خلاص كل واحد يروح لحال سبيله..يعني شوفوا هي انتظرته خمس سنين وهو تركها وماقدر هالشي.. فراحت اخته اتصلت في صديقتي وقالتلها كل شي حتى السبب الحقيقي وماخافوا على مشاعرها حسبي الله عليهم .. فمسكينه البنت انصدمت صدمه وكانت تبكي بكاء غير طبيعي.. وأخته هذي صاحبتها الروح بالروح وشوفوا كيف تعاملوا معاها حتى انهم مانصحو اخوهم بالعكس وقفوا معاه.. وقالولها تقول لاهلها انها هي منها السبب عشان امه وابوه مايخاصمونه ويزعلون منه لان امه وابوه مو داريين عن شي وعشان مايطيح من عين اهلها وبالتالي يطيح من عين الناس ..والبنت خلاص من الصدمه مو عارفه شتسوي.. فقلتلها انها لازم تقول لاهلها الحقيقه وكل شي. وماقالت لاهلها الا بعد اسبوعين لانها كانت خايفه انهم ينصدمون مثلها.والحمدلله قالتلهم واجتمعوا العائلتين وانحلت
المشكله ورجع الولد واعتذر من ابوها وقالهم سامحوني انا ماكنت بوعيي ومدري وش صارلي وووو..
والبنت الحين محتاره ترجعله ولا لأ لانها خايفه من المستقبل..
قولولي رايكم هل ترجعله ولا لا؟.