السلام عليكم ورحمة الله وبركاته الحقيقه انها مشكلة كبيره وتضيق الصدر لكن للاسف انها منتشره بشكل كبير واسمع بكثير يعرفون بنات غير زوجاتهم لكن المشكله كيف نحل هذا الموضوع صدقونى انها تجلس عند اهلها هذا ماهو حل حرام عندها عيال بس مالها الا حل واحد ان ترفع يدها للذى ماتنام عينه وتدعى دعاء الكرب فلكل شى نهايه وعمر الحرام مايستمر لابد انه ينتهى والله قادر انه ينصرها ويبرد على قلبها ويابخت الصابره على زوجها اما هو فله رب يمهل ولايهمل فلتصبر وتحتسب والله يفرج عنها وعن كل مسلم

الافضل لها ان تجلس في بيتها حتى يعاهدها امام الله اولا ثم امام اخيها اللي يعرف القصه انه لن يعود لعشيقته او يكلمها مرة اخرى ..

ان هو اختار ذلك و وافق عليه او يطلقك ويرزقك الله بخير منه

الخيانه الزوجيه مشكلة منتشرة للاسف عن بعض الناس وخاصه المكالمات

اما انها تصل للخروج معا فهذه المصيبه بعينها ..

قولي لصديقتك ( اسألي زوجك .. ماذا لو سمعها تكلم شخصا غيره او شاهدها تخرج مع شخص اخر هل سيبقيها على ذمته ؟؟ )

لا .. والف لا والله ! !

اذا كيف يحلل على نفسه ويحرم على زوجته ؟؟

حسبي الله ونعم الوكيل

الحين

لو الوضع بالعكس؟

لو اكتشف زوجها انها هي تخونه

وش راح يسويلها؟؟؟

حبيبتى دامه خانها خلااااااص

راح يظل طول عمرها بنظرها خاين

ومستحيل تاامنله ثانى مره

انا مع عديل

تشوف حياتها احسن

تتركه بلا رجعه الا اذا تعهد انه راح يترك عشيقته .... و تأكدت هي من ذالك ... لانه و للاسف كان ناوي يتزوجها يعني هو متعلق فيها مرررررره .....

بس من هذه القصه شكل الزوج ضعيف الشخصيه هذا اذا مو معدوم الشخصيه !!! كيف يتزوج غصب عليه ... و اهله يجبرونه على الزواج ..... ليش هو نبيه !!!

استغفر الله
:26:

مشكوراين كلكم على الرد أنا كلمتها اليوم.. أنا اللي قاهرني في الموضوع إنه يقولها إنه يحبها ومب مستعد يستغني عنها وفي نفس الوقت يناقض نفسه لأنه الثانية مب قادر يتركها !!! يعني هل يصير إنه يحب 2 في نفس الوقت؟؟ أنا ما جربت الحب أصلا فما أعرف إجابة هالسؤال بس دايم إسمع إن القلب ما يحب إلا شخص واحد..بس أنا ودي أعرف هو يحب منو منهم أكثر..زوجته ؟ ولا الثانية؟ أنا إحساسي يحب الثانية أكث ربس ليش هو متمسك فيها إذا بيخون؟؟ صراحة يعني عقد وحالة غريبة!!! وحب إمتلاك وخلاص!!! لا ويقولها بعد إن العشرة ما تهون علي أنا مب ولد حرام.. وإذا عشت ويا ناس فترة ما أقدر أتركهم بسهولة ويقول حق زوجته أنا مازلت عند كلمتي إنج ترجعين للبيت لأني تعودت إني إعيش وياج خلاص..بس لما هي تقوله لازم تترك البنية قبل يقولها لا تكلميني في هذا الموضوع هذا شي وموضوعي وياج شي ثاني أنا أكلمج عشان نرجع لبعض مب عشان تقوليلي عن البنت..قالتله إنه إللي تسويه حرام وما يصير وإترك البنت خلاص قالها أنا ما بقدر أتركها مرة واحدة لأنها عشرة عمر 5 سنين وإنتي إفهميني وإفهمي مشاعري وهذا يبيغيله وقت المهم صديقتي سكرت في ويهه لأنها ما استحملت كلامه من القهر إللي فيها وأهلها مالهم راي يقولولها هو يحبج إرجعيله وما بتحصلين مثله قيمة ومركز ويوم تقولهم إنه خاين يقولولها كل الرياييل كانوا يكلمون بنات قبل الزواج وريلج بيترك البنت وعطيه إنتي وقت ولا تكلمينه عن الموضوع إذا هو ما يبغي وإذا ضغطتي عليه هو بيعاندج أكثر روحي له وسوي إللي يطلبه..المهم هي مب موافقة على رأيهم لا عارفة شو تسوي بس قالت بتصلي الإستخارة وبتشوف شو اللي يطلعلها..