مشكلة صديقتي! ساعدوني عساه يكون في ميزان حسناتكم

السلام عليكم ورحمة الله وبركاته

والله ماني عارفه من وين ابداء
بس بدخل في الموضوع على طول
بس بقولكم ملاحظه اول شي:: ( يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ )
اضن فهمتوا قصدي ولاتسيئوا الظن ابدا مهما كان
المهم مالكم بالطويله
صديقتي تحب شاب وتعرفت عليه عن طريق النت والفيس بوك
كل يوم تكلمه وتكلمه لين عشقته عشق مو صاحي
البنت تهذي بأسمه الله يبعد عننا عيال الحرام
وتطور الموضوع وفي يوم من الايام عرفت بالصدفه انها خلته يشوف صورتها
والله العظيم انصصصدمت وماصدقت الخبر لين ماقالت لي هي بنفسها
شرشحتها وهاوشتها وشافت مقطع هي لشيخ يتكلم عن الشباب الي يلعبو ع البنات
ويومها بكت وقالت لي ياريتني ماعطيته صورتي عاد انا ماقصرت معها
بس البنت منتهيه فييييييييه وواثقه فييه حتى بنفس اليوم تقولي هو اصلا ماحفظ الصوره
لو حفظها كان عرفت وطلع عندي قلت لها يااانك غبيه ياانك تستغبي !
يعني بالله مايقدر يصورها بجواله او يحفظ المحادثه بكبرها او يصور صورتها بكميرا !
تقولي انه مو زي باقي الشباب وانه واعدها بيتزوجها لما يخلص دراسه وانه عنده خوات وشافت صورهم وانه صارت معاهم مواقف لو عرفتها بصدقها وانتو عارفين خرافات وخراط الشباب الي ماله نهايه !
والله ياناااس اني تعبت معها ومافي فايده :09:
كل يوم يجيها بموقف حصل معاه او كذبه جديده وهي تصدق وانا اجاملها وابين اني مصدقه
مدري الله اعلم بظروف الناس بس والله بااااااااااين الكذب
والمصيبه الكبرى انها لما يكلمها ع المسن يكلمها عن الجنس وانهم وش يسوون ع السرير وانه يتخيلها عنده ويسوي فيها كذا وكذا والخ استغفر الله<<واعذروني ع الجرأه في كلامي
بالله يعني بالعقل !
لو كان يحبها صدق (وهذا شي من سابع المستحيلات) بالله بيكلمها من ورا اهلها؟
وبيكلمها عن الوساخه هاذي وشهواته بهاذي الطريقه ؟!
وبيطلب يشوف صورتها؟
ويتعذر بأعذار زي وجهه؟!
والمصيييبه انه طلب يكلمها بالجوال !!!!
بس هي امها مانعتها من الجوال قال ايش قال تخاف على بنتها !
ياخوفي تكلمه بأي طريقه بيوم من الايام وتنسى نفسها
لا ويقولها اصحابو كلهم صايعين ويكلمو صحباتهم وحبيباتهم بالجوال وهذا شي عادي عندهم !!!!!!!
وانها هي الوحيده الي ماتكلم حبيبها بالجوال !
بالله هذا على ايش يدل ؟
يابنات والله انها فيها خير لاتقولو مافيها كل انسان فيه خير بس هي ثقتها معميه فيييييه
ماهي راضيه تصدق وانا والله خايفه عليها من عيال الحرام الله ينتقم منهم
عجزت ألقى لها حل والله :44::icon33:
خايفه انها تندم بعدين وتبكي دم بدل الدموع
خايفه على مستقبلها
مهما كان هاذي صديقتي وبنفس فصلي و وقفت جنبي بيوم من الايام
لو بيدي حل كان سويته وعطيتها ولا فضحت نفسي كذا
ترددت كثير اكتب هالموضوع واجي اشاوركم !
اخاف تسيئو الظن فيها وفيني وتقولون مادام صحبتها كذا اكيد هي زيها
لا والله انا مخطوبه الحمدلله وخايفه على صديقاتي اتمنى لو اشوفهم يحبو بالحلال مثلي
اتمنى اتئمن على مستقبلهم
حتى صديقتي توأم روحي روحي بروحها ياعلني افداها كانت تكلم شاب !
بس ماوصلت علاقتهم زي علاقة صديقتي الاولى الي كلتمكم عنها واليوم الحمدلله نجحت اخليها تتركه وقالت لي انها تركته
وحالتها حاله منهاره ومايعلم بحالها الا الله بس ما انكر فرحتي لما قالت لي وانا بخفف عنها ان شاءالله ومارح اخليها
المهم ادري طولت عليكم بس مالي بعد الله الا انتو
واسترو علينا الله يستر عليكم
بليز الي عندها حل او مساعده تقول
اما الي بتجي تتفلسف علينا تريح نفسها تكفووون
مانبي محاضراات شبعنا والله بسسس ابي حل او مساعده جزاكم الله خير
ومن فرج كربه عن مسلم فرج الله عنه كربه يوم القيامه
<<والله اني تعبت :09: بليييييز مابي تعبي يروح ع الفاضي سااعدوني جزاكم الله خير
والي تعرف داعيه ولا وحده اشطر منها في هالمواضيع تقولهااا وتعطينا الحل
واعتذر ع الاطاله فديتكم